တစ်မြေတည်းမှာ ( ၂ )

သူထွက်သွားပြီး မွန်တို့ တစ်တွေ အမြဲတမ်း မဆက်သွယ်နိုင်ပေမယ့် လုံးလုံး အဆက်အသွယ် ပြတ်သွားတာမျိုးတော့ မဖြစ်ခဲ့။ မွန်က အင်တာနက်သုံးလို့ အဆင်ပြေချိန်မှာ အီးမေးလ်ပို့တတ်ပြီး သူကလည်း အချိန်အားရလျှင်တော့ မွန်တို့သိစေချင်သော သူ့အတွေ့အကြုံတွေ ရေးလေ့ရှိသည်။ ဖတ်စေချင်တဲ့ စာအုပ်တွေဆိုလျှင် သူ့အီးမေးလ်ထဲမှာ တစ်သီတစ်တန်း ပါတတ်သည်။ ဖိုင်ဆိုဒ်ကြီးသော မေးလ်တွေဖွင့်မရပါဘူးပြောမိ၍ စိတ်ရှည်လက်ရှည် အပိုင်းပိုင်းခွဲ ပို့သေးသည်။ ဒါပေမယ့် သူ့ရဲ့  ထုံးစံအတိုင်း သူအဆင်ပြေခြင်း မပြေခြင်းကိုတော့ ဘယ်တော့မှ မဖွင့်ဟ။ တစ်ခါတစ်လေ မနေနိုင်သူက မေးမိမှ  “ I’m Ok,take care ” လို့ တိုတောင်းစွာ စာပြန်တတ်သည်။ သူထိုင်စေချင်သော ဆေးခန်းလေးမှာ ဆက်ထိုင်ဖြစ်တော့ နယ်ကပြောင်းလာပြီး မိတ်ရင်းဆွေရင်း မရှိသော မမထားနှင့် မောင်နှမရင်းချာ မရှိခဲ့သော မွန်တို့ ညီအစ်မတွေလို တွယ်တာသွားခဲ့သည်။

အခုလည်း မမထားတို့ နဲ့ အတူလိုက်လာဖြစ်တာက ဘုန်းတော်ကြီးသင် မူလတန်းကျောင်းလေးက ကလေးတွေကို ကျန်းမာရေးဗဟုသုတတွေ ပြောပြရင်း ဆေးစစ်ပေးဖို့ အတွက်။

“ မွန်က ဒီမှာ ရောက်နေတာကိုး ”

“ ဟုတ်ကဲ့ မမထား။ ခေါင်းနဲနဲ မူးလာလို့ ”

“ ရှူဆေးရှူမလား မမထား မှာပါတယ် … အဲ … ငါကလည်း ဆရာဝန်ကို ဆေးကုချင်နေပြန်ပါပြီ ”  မမထားက သူ့အိတ်ထဲက ရှူဆေးထုတ်ပေးရင်း ပြောကာ ရယ်သည်။

“ ဆရာတော်က ကလေးတွေကို တစ်တန်းချင်း အသင့်ပြင်ခိုင်းထားဖို့ ဆရာမလေးတွေကို ပြောလိုက်ပြီ မွန်ရဲ့  ။ မွန်နေလို့ သိပ်မကောင်းရင် ထမင်းစားလွှတ်ပြီး ကျောင်းပြန်တက်မှစဖို့ ပြောလိုက်မယ်လေ ”

“ နေပါစေ မမထား။ မွန် အခုလိုက်ခဲ့ပါ့မယ် ”

ဒီအချိန်ကို မွန်ကပဲ ရွေးထားခြင်းဖြစ်သည်။ ဆရာဝန်ကလည်း မွန်တစ်ယောက်တည်း၊ စာသင်လည်း မပျက်စေချင်တာကြောင့် ကလေးတွေအားလုံးကို စုပြီးတစ်ခါတည်း မဟောပြောတော့။ သူငယ်တန်းမှ လေးတန်းအထိ ငါးခန်းထဲရှိတာမို့ တစ်တန်းချင်းဝင်ကာ စကားပြောလိုက် ဆေးစစ်လိုက်လုပ်မည်။ ကျောင်းလေးဆီကိုအလာ အုတ်ရေကန်လေးနားမှာ တစ်တန်း(ပထမတန်း) သင်တဲ့ ဆရာမလေးက သူ့တပည့်လေးတွေကို လက်ဆေးပေးနေတာတွေ့ရသည်။ ဆရာတော်၏ ညွှန်ကြားချက်ဖြစ်မည်။

“ သွားနှုတ်မှာလား မသိဘူး ”   

ပလုတ်ကျင်းဖို့လုပ်နေသော ကလေးမလေးကို နောက်တစ်ယောက်က စိုးစိုးရွံ့ရွံ့ မေးလိုက်သံ။

“ မဟုတ်ပါဘူး။ ဘုန်းဘုန်းကပြောတယ်တဲ့ ဆရာမလေး အာပုတ်စော်နံမှာစိုးလို့ ပါးစပ်ဆေးရမယ်တဲ့ ”

ရှေ့က ကလေးမလေးရဲ့  ပြန်ဖြေသံကိုကြားတော့ မွန် မပြုံးမိဘဲမနေနိုင်။ ဟန်ဆောင်ဖုံးကွယ်ခြင်းတွေမရှိဘဲ ရင်ထဲရှိတဲ့အတိုင်းပြောနေတဲ့ ကလေးလေးတွေဘဝက ဖြူစင်လွန်းလှသည်။ ဆရာမလေးကို အာပုတ်စော်နံမှာစိုးတာထက် ကလေးတို့ရဲ့ သွားလေးတွေကျန်းမာဖို့ အစာစားပြီးတိုင်း ပလုတ်ကျင်းရန် ဟောပြောတဲ့အချိန်မှာ ထည့်ပြောရဦးမည်။

မွန် တို့ရောက်သွားချိန်မှာ သူငယ်တန်းအခန်းက အဆင်သင့်ဖြစ်နေပြီ။ ကျန်းမာရေးအတွက် လိုက်နာစရာလေးတွေကို ကလေးတွေနားအလည်နိုင်ဆုံး စကားလုံးလေးတွေ ရွေးကာပြောဖြစ်သည်။ အတန်းရှေ့ က စားပွဲမှာထိုင်ကာ စစ်ဆေးပေးတော့ သူငယ်တန်းကလေးတွေမို့ ဆရာမလေးကခုံမှာထိုင်နှင့်ပြီး  သူ့တပည့်တွေကို တစ်ယောက်ချင်းသူ့ပေါင်ပေါ်ထိုင်စေလို့ စစ်ဆေးခံစေသည်။ အနီးအနားမှာ လိုအပ်တာတွေကူလုပ်ပေးသော မမထားက ဆေးစစ်ပြီးသွားသော ကလေးတိုင်းကို မုန့်တစ်ခုစီဝေသည်။

တစ်တန်းအခန်းမှာ စစ်ပြီးတော့ ကလေးတွေမုန့်စားကျောင်းဆင်းချိန်မို့ ခဏနားကြသည်။ တချို့ က ရွာထဲပြန်ပြီး ထမင်းစားကြသည်။ ဆရာမလေးတွေက ဆေးစစ်မှာကို ကလေးတွေကြောက်ပြီး ပြန်မလာကြမှာစိုးလို့ တတွတ်တွတ်မှာကြသည်။ ထမင်းစားပြီးတော့ နှစ်တန်း၊ သုံးတန်း၊ လေးတန်း အစဉ်အတိုင်း တစ်ခန်းဝင် တစ်ခန်းထွက် မွန်နှင့် မမထားတို့ စစ်ဆေးပေးကြသည်။

“ လေးတန်းက ကျောင်းသား နဲသွားတယ်နော် ”

“ ခိုင်းလို့ရတဲ့ အရွယ်တွေရောက်ကုန်ပြီလေ အစ်မကြီးရယ် ” 

မမထားရဲ့  မေးခွန်းလိုလို မှတ်ချက်လိုလို စကားကို ဆရာမလေးက ခပ်တိုတိုလေး ပြန်ဖြေလိုက်ပေမယ့် အဲဒီ့အဖြေလေးရဲ့ နောက်က မကြားရတဲ့ စကားလုံးတွေအတွက် အိမ်အပြန်လမ်းအထိ မွန့် အတွေးတွေ ရပ်မရခဲ့။ ကလေးတွေရဲ့အနာဂတ်အတွက် မွန်တို့ လုပ်စရာတွေ အများကြီး ရှိသေးသည်။

* * * * * * * * * * *

ရွာလေးကို ဒုတိယအကြိမ် ရောက်ခဲ့ရပြန်ပြီ။ ပထမအကြိမ် အလှူအတွက် ဆွေးနွေးစဉ်က နေ့ချင်းပြန်ခဲ့ပေမယ့် အခုတစ်ကြိမ်ကတော့ ၃ ရက်ခရီး။ အလှူပွဲမို့ သားငယ် နှင့် မြင့်ဇော်လည်း လိုက်လာတာကြောင့် သူ့ကို သတိရမိပြန်ပါသည်။  အစ်ကိုနိုင်နဲ့ မမထားတို့က ဘိုးဘွားအမွေ ကျောင်းဝင်းထဲက ဇရပ်ကိုပြင်ပြီး ရွာနှင့် ဘုန်းကြီးကျောင်းကြား ချောင်းကလေးက ခနော်နီ ခနော်နဲ့ ဝါးတံတားလေးကို ဖျက်ကာ လှည်းမောင်းလို့ရလောက်အောင် တံတားအသစ်ဆောက်ပေးကြသည်။

နေ့လည်းခင်းအချိန် မွန်တို့ ရောက်သွားတော့ အလှူအတွက် ထမင်းကျွေးမဏ္ဍပ်ထိုးနေကြပြီ။ နောက်နေ့မနက်မှာ အလှူရေစက်ချပြီး ရွာလုံးကျွတ်ထမင်းကျွေးမှာကြောင့် ဖြစ်သည်။ ညနေစောင်းတော့ အစ်ကိုနိုင်က ပြန်ဆောက်ထားသော တံတားလေးကို လိုက်ပြသည်။ ချောင်းကလေးက သိပ်မကျယ်။ သို့သော်လည်း ထိုချောင်းကျဉ်းကျဉ်းလေးကပင် ရွာကလေးကို မြို့နှင့်အလှမ်းဝေးစေသည်။ တံတားမရှိတော့ တစ်ဖက်ရွာအထိ ပတ်ကာသွားနေရသောကြောင့်ပါ။

“ တံတားလေးတောင် တော်တော်ပေတူးနေပြီပဲ ”  ရွံ့အလိမ်းလိမ်းဖြစ်နေသော တံတားလေးကိုကြည့်ကာ သားငယ်က မှတ်ချက်ချသည်။

“ မိုးမကျခင်ကတည်းက အပြီးဆောက်ခဲ့တာလေ သားငယ်ရာ။ ခုဘဲ တော်သလင်းလရောက်နေပြီ။ သားကြီးက ဒီနှစ်မိုး အမှီပြင်ပေးပါဆိုလို့။ ဒီစိတ်ကူးကို သူကစခဲ့တာ၊ ကျွန်တော် ဒီနေရာမှာ တံတားဆောက်ပေးချင်တာလို့ ရွာရောက်တိုင်းပြောတယ်။ အခုတော့ သူလုပ်ခိုင်းတာ ငါလုပ်ပေးနိုင်ခဲ့ပြီ။ ပြချင်တယ်ကွာ၊  ဒီကောင် ပြန်လာနိုင်ရင်ကောင်းမှာ ”

ကျေနပ်အားရစွာ ပြောနေတဲ့ အစ်ကိုနိုင့်စကားကြောင့် သူ့ကိုပို သတိရမိသွားသည်။ သူ့စိတ်ကူး၊ သူလုပ်စေခဲ့တာတဲ့လား။ သူကတော့ ဒီအကြောင်းတွေပြောပြဖို့ဝေးစွ မွန်ပို့သော မေးလ်တွေမပြန်တာပင် လနှင့်ချီခဲ့ပြီ။

မမထားတို့အလှူသည် သူ့ကို အလွန်အမင်း သတိရစေမိတာကလွဲလို့ ရွာဓလေ့၊ ရွာအလှူကို မျက်မြင်မကြုံဖူးသော မွန့်အတွက် ပျော်ရွှင်စရာ၊ ကြည်နူးစရာ ဖြစ်ခဲ့သည်။ အလှူပြီးနောက်နေ့မှာတော့ သားငယ်ရဲ့ အလုပ်ကြောင့် မထင်မှတ်ဘဲ မနက်အစောကြီး ထပြန်ခဲ့ကြရသည်။ ခရီးမှ ပြန်ရောက်လာသော မွန့်ကို အိမ်တံခါးမှ သော့ခလောက်ကြီးက ဆီကြိုသည်။ စောစောစီးစီး မေမေ ဘယ်သွားပါလိမ့်။ ဈေးသွားရအောင်ကလည်း ၃ ရက်တာ ခရီးမထွက်ခင်က အပြည့်အစုံ ဝယ်ထားပေးခဲ့သော ဟင်းချက်စရာများ မေမေတစ်ယောက်တည်း စား၍တော့ မကုန်လောက်သေးပါ။ တံခါးဖွင့်လို့ဝင်ပြီး အထုပ်တွေမှ အခန်းထဲမပို့နိုင်သေး ဧည့်ခန်းထဲက စားပွဲပေါ်မှာ စာရွက်ပိုင်းလေးရှာမိသည်။ မေမေနဲ့ မွန် နှစ်ယောက်တည်းရှိတဲ့အိမ်မှာ တစ်ယောက်အပြင်သွားတိုင်း ဒီလိုပဲ စာလေးရေးပြီး အသိပေးနေကျ။

“ သမီးမွေးနေ့ အတွက် မေမေ ဘုရားပန်းသွားဝယ်တယ် ”

ဘယ်အချိန် ပြန်ရောက်မယ်မှန်းမသိတဲ့ သမီးအတွက် စာရွက်လေးပေါ်က မေမေ ရေးထားလေးမြင်မှ ကိုယ့်မွေးနေ့ကိုယ် သတိရမိသည်။ ဆေးရုံ၊ စာမေးပွဲ၊ အလှူ စတာတွေနဲ့ ရှုပ်နေခဲ့တာ မွေးနေ့ကိုတောင် သတိမရမိ။ စာရွက်လေးကို စားပွဲပေါ်ပြန်အချမှာ စောစောက မေမေ့စာရွက်ကို ရှာနေရ၍ သတိမထားမိခဲ့သော အရာတစ်ခုကို တွေ့လိုက်သည်။ ပန်းအိုးလေးနဲ့ ဖိထားသော စာအိတ်ဖြူဖြူလေး။

စာအိတ်လေးကို ယူအကြည့် စာအိတ်ပေါ်က လက်ရေးကြောင့် နှလုံးသွေးတို့ ရပ်တန့်သွားမလား ထင်ရသည်။ ခြောက်နှစ်ကျော်ကြာအောင် မမြင်ရသည့် ရင်းနှီးနေသော ဒီလက်ရေး။ စာရေးလေ့မရှိတဲ့ သူ့ဆီကစာကို ဖွင့်နေသော မွန်လက်တို့ တုန်ရီအေးစက်လို့။

“ မွန်

စက်တင်ဘာ ၂၉ရက်နေ့ လေယာဉ်လက်မှတ်ပဲရတယ်။ အလှူကို ကပ်လွဲသွားပေမယ့် မွန့်မွေးနေ့ဆို မြန်မာပြည် ပြန်ရောက်နေရောပေါ့ ။ ”

မွေးနေ့ဆုတောင်းကဒ် လေးပေါ်က စာကြောင်းလေးနှစ်ကြောင်းက မွန့်ရင်တစ်ခုလုံး တုန်ခါသွားစေသည်။ ဘယ်တုန်းကမှ မွေးနေ့ဆုတောင်း မလုပ်ခဲ့သူက မွန့်မွေးနေ့ကို အမှတ်ရနေသေးတယ်ပေါ့။ ကဒ်ပေါ်ကပုံနှိပ်ထားတဲ့ ဆုတောင်းစာလုံးလှလှလေးလေးတွေထက် သူ့လက်နှင့်ရေးထားသည့်

နှစ်ကြောင်းတည်းသော စာလေးကိုသာ မွန်ထပ်ကာထပ်ကာ ဖတ်နေမိသည်။

ခဏပြန်လာတာလား၊ အပြီးပြန်လာတာလား။ သူ့ရည်ရွယ်ချက်တွေ အကောင်အထည်ဖော်နိုင်တဲ့ အချိန်ရောက်တော့မယ်လို့ ယုံကြည်လို့ပြန်လာတာလား။ မွန်တို့ အတူလက်တွဲပြီး အလုပ်လုပ်နိုင်ကြတော့ မှာလား။

မွန့် ဆီကိုပြန်လာတာရော မဖြစ်နိုင်ဘူးတဲ့လား။

ဘာပဲဖြစ်ဖြစ် သူအခု မြန်မာပြည်မှာပေါ့။

အိုး ……… သူနဲ့ တစ်မြေတည်းမှာ ရှိနေတယ်ဆိုတဲ့ အသိတစ်ခုကတင် မွန့်တစ်ကိုယ်လုံးကို နွေးထွေးလုံခြုံသွားစေခဲ့ပြီပဲ။       ။

ညိုလေးနေ

16.09.2012  11:15 pm

တစ်မြေတည်းမှာ ( ၁ )

မြို့နှင့်မနီးလှသော ရွာလေးမှာ ဆိုပေမယ့် မွန်တို့ ရောက်ရှိသွားရာ ဘုန်းကြီးကျောင်းဝင်းက ကျယ်ဝန်းပြီး သပ်ရပ်လှပသည်။ ပင်မအုတ်ကျောင်းဘေးမှာ ပျဉ်ထောင်နှစ်ထပ်ကျောင်း၊ ထိုဘေးမှာတော့ ဆွမ်းစားဆောင် ရှိသည်။ အုတ်ကျောင်းနှင့် ရှေ့တည့်တည့် တော်တော် လှမ်းလှမ်းမှာတော့ စာသင်ကျောင်းလေး။ ဘုန်းကြီးကျောင်းဝင်းက ဝင်ပေါက်နှစ်ပေါက်နှင့်။ စာသင်ကျောင်းလေးရှိရာ တံတိုင်းဘက်မှ ဝင်ပေါက်သည် ရန်ကုန်-မန္တလေး ကားလမ်းမကြီးဆီသို့ သွားရာ မြေနီလမ်းသို့ ဆက်သွားသည်။ ပင်မအုတ်ကျောင်းရှိရာ တံတိုင်းဘက်မှ ဝင်ပေါက်ကတော့ ရွာထဲမှ ဘုန်းကြီးကျောင်းကို လာဖို့။ ထိုမျက်နှာချင်းဆိုင် ဝင်ပေါက်နှစ်ပေါက် တလျှောက်ကို နှင်းဆီပင်လေးများ တစ်ဘက်တစ်ချက် စီရီထားသော လမ်းလေးက ဆက်ပေးထားသည်။ ကျောင်းဝင်းထဲမှာ ကိုးနဝင်း စေတီလေးလည်းရှိသည်။ ကျောင်းဆောင်တွေနှင့် စေတီကို ထိုလမ်းလေးက ခြားထားသည်။ စေတီလေး တဝိုက်မှာတော့ မန်ကျည်းပင်တွေ အရွယ်စုံ။

ကျောင်းလေးပေါ်မှ အသာအယာ ခြေဖော့ပြီး ဆင်းခဲ့သည်။ အစ်ကိုနိုင်နှင့် မမထားကတော့ အလှူကိစ္စအတွက် ဆရာတော်ကိုလျှောက်ထား ဆွေးနွေးနေဆဲ။ ဆက်ပြီး ထိုင်နေပေးချင်ပေမယ့် ဆေးရုံကနေ အိမ်မပြန်ဘဲ မမထားတို့နဲ့ အတူလိုက်ကာ ၆နာရီလောက် ကားစီးလာရသည့် ခေါင်းကမခံနိုင်တော့။ စေတီလေးမှာ ရှိခိုးဦးချကန်တော့ပြီး မန်ကျည်းပင်တွေအောက် လျှောက်လာခဲ့သည်။ ကျောင်းဝင်းမြေက ညီညာနေပြီး သေချာ လှဲကျင်းထား၍ ခြေဗလာနှင့် လမ်းလျှောက်လို့ ကောင်းလှသည်။ စေတီလေး၏တဘက်မှာ နင်္ဂါးရုံဘုရားနှင့် ရေကန်ငယ် တစ်ကန်။ ထိုရေကန်လေးနားက သစ်ပင်မြစ်ပျဉ်းမှာထိုင်လို့ ပင်စည်ကိုမှီကာ မျက်စိမှိတ်ပြီး နားနေလိုက်သည်။ ကန်ရေပြင်ကိုဖြတ်ပြီး တိုက်ခတ်လာသော လေက ခေါင်းနောက်ရီဝေနေတာတွေကို အတန်ငယ် လျော့နည်းသွားစေသည်။ ဆရာဝန်ဖြစ်ပြီး ဆေးသောက်ရမှာကို အင်မတန် ဝန်လေးတော့လည်း ခေါင်းနောက် ရီဝေတာလောက်ကို ဒီလိုနည်းမျိုးဖြင့် ကုစားနေရသည်။

ဆိတ်ငြိမ် အေးချမ်းလိုက်တာ။ ဒီလိုအေးချမ်းစွာ နားနေရခြင်းမရှိတာ ဘယ်လောက်ကြာပြီလဲ။ ခန္ဓာကိုယ်က အေးချမ်းစွာ နားနေလိုက်တယ် ဆိုရင်ပဲ စိတ်ကလွတ်လပ်စွာဖြင့် သူနားခိုချင်ရာဆီသို့ လွင့်ထွက်သွားတော့သည်။ မျက်ဝန်းအစုံကို မှိတ်ထားလိုက်တော့ အတွေးအာရုံမှာ ပုံရိပ်တစ်ခုက ထင်ရှားပြတ်သားစွာ ပေါ်လာသည်။ စိတ်ကို ထိန်းချုပ်မထားချင်တော့ပါ။ အခုလိုအချိန်မျိူးလေးမှာ အားငယ်နွမ်းလျနေသည့် လူနာများကို ကုသပေးနေသော၊ အမ်အက်စီဖြေရန် အပြေးအလွှား အချိန်လု စာကျက်နေသော ဆရာဝန်မတစ်ယောက်၊ ဝင်ငွေကို ထွက်ငွေနှင့် မျှတမှုရှိအောင် စိတ်သန့်ရှင်းစွာဖြင့် ရှာဖွေနိုင်ရန်ကြိုးစားနေသော အိမ်၏ဦးစီး သမီးကြီးတစ်ယောက် မဟုတ်တော့။ ချစ်ရသူကို သတိရခြင်းများစွာဖြင့် တမ်းတမိသော မိန်းမတွေထဲက သာမန်မိန်းမတစ်ယောက်သာ ဖြစ်နေချင်သည်။ တရားဝင်လွမ်းဆွတ်ခွင့်ဆိုတာ မရှိသေးပေမယ့်၊ မြတ်နိုးစွာနဲ့ သူ့ကို တိတ်တခိုး တမ်းတခွင့်တော့ ရှိသေးတယ်လို့ ယုံကြည်နေဆဲ ……..။

* * * * * * * * * * *

 

အခုလိုသာ တစ်စုံတစ်ယောက်ကို သတိရနေပါတယ်လို့ သူငယ်ချင်းတွေကြားလျှင် ဘာတွေ ပြောကြမလဲ။ ဟားတိုက်ပြီး ရယ်ကြမလား။ သနားပါတယ်လို့ ဆိုမလား။ အချစ်ဆုံး သူငယ်ချင်း အိ ကတော့ “ နင် ဝဋ်လည်တာ နေမှာပေါ့ ” တဲ့။ ဟုတ်လောက်ပါတယ်လေ။

ကျောင်းတုန်းက လူစုမိလို့ မိန်းကလေးတို့ ထုံးစံ ရောက်တက်ရာရာပြောကြရင် တကူးတက အလှအပပြင်ရန် ဝါသနာမပါသော၊ ဈေးဝယ်ထွက်ရန် ပေါကြွယ်မနေသော မွန်သည် ရုပ်ရှင်နှင့် စာအုပ်အကြောင်းက လွဲလျင် အမြဲတမ်း နားထောင်သူ သက်သက်။ ပိုဆိုးတာက အတန်းဖော်တွေအကြောင်း၊ ချစ်သူရည်းစားတွေအကြောင်း။ ကိုယ်ကစိတ်မဝင်စားလျှင် ဘာကိုမှခေါင်းထဲမထားတတ်။ စာသင်ချိန်မှာ ကိုယ့်အနား လာလာထိုင်တတ်သူ တစ်ယောက်အကြောင်း မေးကြတုန်းက ကိုယ်ဘာမှမသိတော့ “ မွန် ကလည်းကွာ ….” ဆိုပြီး အားမလိုအားမရ ပြောကြသည်။ နောက်တော့ သူငယ်ချင်းတွေကပြောကြသည် “ သူ့ကို သွားမမေးနဲ့။ သူက ဆရာဝန်ဖြစ်ဖို့ကလွဲပြီး ဘာမှစိတ်မဝင်စားဘူး ” တဲ့။

သူတို့ပြောလည်း ပြောချင်စရာ။ အဲဒီ့အချိန်က အိမ်ရောင်းပြီး ကျောင်းဆက်ထားပေးရသော မေမေ့အတွက် ဆရာဝန်ဖြစ်ဖို့ကလွဲလို့ ခေါင်းထဲမှာ ဘာမှမရှိ။ ကိုယ်နှစ်သက်တဲ့ စာအုပ်တွေအကြောင်း စဉ်းစားတာ၊ စာအုပ်တွေဖတ်တာနဲ့ မိန်းကလေးမပီသစွာ မစပ်စုတတ်တာတွေကလည်း ပတ်ဝန်းကျင်နဲ့ ကင်းကွာစေသည်။ သူငယ်ချင်းတွေပြောတဲ့ ဘယ်သူက ဘယ်သူနဲ့တွဲလို့ ဘယ်သူတွေကဖြင့် ပြတ်စဲကုန်ပြီ ဆိုတာတွေ ဘာမှမသိ။ မွန့်အနားမှာ ရစ်သီလို့ ဝဲနေတဲ့သူတွေကိုလည်း အတန်းဖော် သူငယ်ချင်းမိတ်ဆွေအဖြစ်ကလွဲလို့ စိတ်မဝင်စားမိ။ သူတို့အကြောင်းသိဖို့ဆို ဝေးရော။ တစ်ချို့ ကတော့ မာနကြီးတယ်ထင်ပြီး တစ်ချို့ ကတော့ စိတ်ပျက်သွားကြသည်။ သူငယ်ချင်းတွေကတော့ “ နင် တစ်ယောက်ယောက်ကိုမှ နည်းနည်းလေးမှ စိတ်မဝင်စားဘူးလား ” ဟု မေးတတ်သည်။ သူတို့မေးတိုင်းလည်း စိတ်ထဲရှိတဲ့အတိုင်း “ ငါ အိမ်ထောင်မပြုချင်ဘူးဟ။ ငါလုပ်ချင်တာတွေ အများကြီးရှိသေးတယ်။ ကျန်းမာရေးဗဟုသုတနည်းတဲ့ နယ်ဘက်တွေက ကလေးတွေကို ငါဆေးကုပေးချင်သေးတယ်။ တစ်ယောက်ယောက်ကို ငဲ့နေရတာနဲ့ ငါလုပ်ချင်တာတွေ မလုပ်ရမှာစိုးတယ်။ ငါလုပ်ချင်တာ လုပ်ဖို့အတွက်လည်း သူတစ်ပါးကို ဝန်ထုတ်ဝန်ပိုး မဖြစ်စေချင်ပါဘူး ” လို့ပြန်ပြောမိတတ်သည်။ နောက်ပိုင်းတော့ သူငယ်ချင်းတွေလည်း မမေးကြတော့။

တကယ်တော့ မွန်က အတွေးလွန်ပြီး အဆင့်တွေ ကျော်သွားခဲ့တာပါ။ လုပ်ချင်တဲ့ အလုပ်တွေလုပ်ဖို့နဲ့ အိမ်ထောင်ရေးကို ကြိုတွေးမိတဲ့သူက အချစ် ဆိုတဲ့အရာကို လုံးလုံးလျားလျားမေ့ထားခဲ့တာကိုး။ အဲဒီ့ ဖန်တီးလို့မရတဲ့ အရာက ရင်ထဲကို သူ့အလိုလို ရောက်လာပြီး၊ သတိထားမိတဲ့ အချိန်ရောက်တော့ ဖျက်ဆီးလို့လည်းမရတော့။ ဖျက်ဆီးနိုင်စွမ်းလည်း မရှိခဲ့ပါဘူး။

* * * * * * * * * * *

သူ့ကို တစ်ခန်းတည်းမို့ သိနေပေမယ့် ဖာသိဖာသာနေတတ်သော မွန့်အကျင့်ကြောင့် မရင်းနှီးခဲ့။ သူငယ်ချင်းတွေပြောတဲ့ စကားတွေထဲမှာ သူ ကူညီတတ်တာ၊ စာတော်တာ တွေကြားမိပေမယ့် စာမေးပွဲခဏခဏကျတတ်သောကြောင့် တော်တယ်မထင်ခဲ့။ ဖိုင်နယ်ပတ်ဝမ်းရောက်လို့ နယ်တွေကို အတူတူဆင်းရတော့ မှသိတော့သည်။ တစ်ဖွဲ့လုံးကို ဦးဆောင်သွားတာ၊ အားလုံးကို မောင်နှမ အရင်းတွေလို သဘောထားကာ အနာခံစရာရှိ သူပဲခံတာတွေ ကိုယ်တိုင်ကြုံရမှ သူကူညီတတ်တာကို အသိအမှတ်ပြုမိသည်။ နောက်ပိုင်းသူနဲ့ ခင်သွားတော့ သူစာတော်တာလည်း လက်ခံရတော့သည်။ စာမေးပွဲကျတတ်သည်မှာ စာမရလို့ ညံ့လို့တော့မဟုတ်။ တစ်ခုခုကို လေ့လာကျက်မှတ်ရရင် တကယ်ကိုနားလည်ရှင်းလင်းမှ စိတ်ကျေနပ်တတ်တာ သူ့အကျင့်။ တစ်ခါတစ်ခါတော့ “ ဟေ့ကောင် … စာမေးပွဲအောင်ပြီးမှ ဆက်လေ့လာလည်း ရတယ်။ မင်းကို ဘယ်သူမှမတားဘူး။ မင်းဖြေရမှာ ဒီတစ်မျိုးထဲ မဟုတ်ဘူး။ လောလောဆယ် အောင်မှတ်ရအောင် အရင်ကျက် ” ဟု မြင့်ဇော်က ပြောတတ်သည်။ မြင့်ဇော်ရဲ့  စေတနာစကားကို ဘာမှပြန်မပြောဘဲ ပြုံးနေတတ်ပေမယ့် နားလည်းမထောင်ပါ။ စာမေးပွဲတွေနဲ့ လုံးချာလည်ရင်း ဆရာဝန်ဘွဲ့ရခဲ့သည်။ သူ့ဆီမှာမှ စာမေးချင်သည့် အတန်းငယ် ညီမတွေကလည်း ဝိုင်းဝိုင်းလည်လို့။

မွန် သူ့ကို ရင်းနှီးခင်မင်သွားတာကတော့ သူရဲ့ နာမည်ကြီးတဲ့ အချက်တွေကြောင့် မဟုတ်ခဲ့ပါ။ ကလေးတွေကို ကျန်းမာရေးအသိပညာ ပေးချင်လှပါချည်ရဲ့ လို့ ပြောတတ်သော မွန်ရှေ့ မှာ မွန့်လို စကားတစ်ခွန်းမှ မပြောဘဲသူက လက်တွေ့ လုပ်သွားတဲ့အခါ၊ အတန်းတူချင်း ဆရာလုပ်လို့သည့် ပုံမျိုးမဟုတ်ဘဲ မွန်သိချင်တာတွေကို သင်မှန်းမသိ သင်ပေးသွားတဲ့အခါ၊ တမင်ရင်းနှီးချင်လို့ စာလာမေးသည့် မိန်းကလေးတွေကို စာကလွဲလို့ အပိုမပြောဘဲ တည်တည်ကြည်ကြည် ဆက်ဆံတတ်တာတွေ တွေ့ရတော့ မွန်သူ့ ကို မလေးစားပဲ မနေနိုင်တော့။

ဖိုင်နယ်ရောက်မှ ခင်ကြပေမယ့် မွန်တို့နှစ်ယောက်ရဲ့ ခင်မင်မှုက တခြားသူငယ်ချင်းတွေထက် ပိုခဲ့သည်။ မွန်ကတော့ မွန်တို့ရဲ့  စိတ်ကူးတွေ၊ ရည်ရွယ်ချက်တွေ တိုက်ဆိုင် တူညီမှုကြောင့် လို့ထင်သည်။ ဒါပေမယ့် မွန့်အကြောင်းသိသော သူငယ်ချင်းတွေက ဘာမှမေးကြသလို၊ သူ့အကြောင်းသိသော သူငယ်ချင်းတွေကလည်း မစရဲကြ။

မွန်ဟာ သူ့ရဲ့ အခင်ဆုံး မိန်းကလေးသူငယ်ချင်းပါဆိုတာကို ဘယ်တော့မှ ထုတ်ဖော်မပြောခဲ့သလို မွန်တို့နှစ်ယောက်ကိုတွဲလို့ စနောက်ခံရမှာမျိူးကိုလည်း သူက သတိထားပြီး ရှောင်တတ်သေးသည်။ မှတ်မိပါသေးသည် သူအာဖရိက ကိုသွားခါနီးမှ ကပ်ပြောလို့ မွန်တော်တော်လေးစိတ်ဆိုးမိတာ။

“နင်ဘာလို့ ငါ့ကိုမပြောတာလဲ။ ဒီအလုပ်မျိူးကို ငါရည်ရွယ်တာ သိရဲ့ သားနဲ့ ၊ ငါလည်း လျှောက်ချင်တာပေါ့ ”

“ မွန် ငါသွားမှာ ဆရာဝန်တစ်ယောက်အနေနဲ့ မဟုတ်ဘူး။ ဆေးဝန်ထမ်းတစ်ဦးအနေနဲ့ပဲ သွားမှာ။ အဓိကက ပြင်ပကမ္ဘာကို လေ့လာချင်လို့။ တစ်နေ့ကျရင် ငါတို့တိုင်းပြည်က ကျန်းမာရေး အသိပညာနည်းပါးတဲ့ ဒေသတွေအတွက် ငါလေ့လာခဲ့တာတွေကို ပြန်အသုံးချဖို့။ လောလောဆယ်က ငါတို့မှာ ပညာပဲရှိတယ်။ ပညာတောင်မှ ဘွဲ့ တစ်ခုစာပဲရှိသေးတာ။ မင်းတို့သိပါတယ်။ ဒီအချိန် အပြင်ထွက်ဖို့ ငါတို့ဆရာဝန်တွေအတွက် ဘယ်လောက်ခက်ခဲလဲဆိုတာ။ ဒါပေမယ့် ငါသွားမယ်။ ငါ့ ဆမ အသိမ်းခံရရင်တောင် ငါပြန်လာတဲ့တစ်နေ့ ငါသိခဲ့တာတွေနဲ့ မင်းတို့ရဲ့  ဆမ နဲ့ အတူတွဲလို့ ရအောင်ပေါ့။ မင်းတို့နဲ့ မလုပ်နိုင်လည်း နောက်မျိုးဆက်တွေနဲ့ပေါ့ကွာ ”

သူ့ရဲ့စကားတွေအတွက် မွန်တို့ သုံးယောက်လုံး ပြန်ပြောစရာ စကားမရှိ။ ဒီလိုအချိန်မျိုးမှာ အခုလောက် ပွင့်ပွင့်လင်းလင်းပြောနေတာကိုက မွန်တို့ သုံးယောက်ကို ခင်မင်ယုံကြည်လွန်းလို့မှန်း သိသာနေပြီ။

“ ပြီးတော့ ငါ့မှာ မိဘတွေ မရှိတော့ဘူး။ ငါ့ညီ သားငယ်တစ်ယောက်တည်းပဲရှိတာ အခုသူလည်း အရွယ်ရောက်ပြီ သူ့ကိုယ်သူထိန်းသိမ်းနိုင်ပြီလို့ ငါယုံကြည်လို့ ဒီအလုပ်ကို လုပ်မယ်ဆုံးဖြတ်ခဲ့တာ။ နင်က အမေ့ကို တစ်ယောက်တည်း ထားခဲ့မလို့လား မွန်။ ထားခဲ့ရက်လို့လား။ ” သူ့ရဲ့နောက်ဆက်တွဲစကားကြောင့်

မွန် မှင်တက်မိသွားသည်။ မွန်က မစဉ်းစားမိခင်မှာဘဲ သူကမွန့် မေမေအတွက်ပါ စဉ်းစားပြီးပါပကော။

 “ နယ်က ငါ့ အစ်ကိုဝမ်းကွဲလင်မယား ငါ့ညီနဲ့လာနေပေးလိမ့်မယ်။ ငါ့ ဆေးခန်းကိုတော့ မင်းတို့ကို ဆက်ဖွင့်စေချင်တယ်ကွာ ”

သူက သူ့အိမ်ရှေ့ဝင်းလေးထိပ်မှာပဲ ဆေးခန်းဖွင့်ခဲ့သည်။ ဆရာဝန်ပေါက်စဆိုပေမယ့် မရှိမရှား အလတ်တန်းစား ရပ်ကွက်လေးထဲမှာ သူ့စေတနာက ရောင်ပြန်ဟပ်ခဲ့သည်။

“ မင်းကဆေးခန်းကို ငါတို့ကို ဆက်ဖွင့်စေချင်တယ်သာပြောတာ၊ ဆေးခန်းထိုင်ချိန် စကယ်ဂျူးကအစ အားလုံး စီစဉ်ထားပြီးသွားပြီပဲ။ ငါ့ တချို့  အချိန်တွေ မိမွန်နဲ့ လဲမှ ဖြစ်မယ်ထင်တယ်။ ဟဲ့ မယ်အိ နင်လည်းကြည့်ဦး အချိန်တွေ အဆင်ပြေမပြေ ”

“ ထားလိုက်ပါဟာ၊ မွန်က ဒီဆေးရုံမှာ ဘယ်လောက်ကြာမှာမို့လဲ၊ ဆေးရုံပြောင်းရလို့ အချိန်တွေပြောင်းရင် နင်နဲ့ငါ ချယ်လှယ်ကြတာပေါ့ ”

မြင့်ဇော် နဲ့ အိ တို့က ညစ်ကျယ်ကျယ်ပြောကြတော့ သူကဘာမှ ပြန်မပြောဘဲ ရေနွေးသောက်ရင်းပြုံးနေခဲ့သည်။ 

ပြင်ဆင်စရာတွေ ရှိသေးသည်ဟုပြောကာ သူပြန်သွားတော့ မြင့်ဇော်က

“အဓိကက နင့်အတွက်ပါ မွန်ရာ၊ နင်ဆေးခန်းထိုင်ဖို့ အဆင်မပြေဖြစ်နေတာသိလို့ သူစီစဉ်ပေးခဲ့တာပါ။ အချိန်တွေကိုပဲကြည့်၊ နင်အဆင်ပြေမယ့် အချိန်တွေကြည့်ပဲ၊ အိမ်အပြန် မိုးချုပ်မှာလည်း စိုးရိမ်သေးတယ်။ ဒါပေမယ့် အဲဒီလို မပြောလို့ ငါတမင် ကလိလိုက်တာ။ တသက်လုံးလည်း ပြောမယ့်ကောင် မဟုတ်ပါဘူး ”

မြင့်ဇော် စကားကြောင့် စိတ်ဆိုးခြင်း၊ အံ့သြခြင်း၊ ရင်ထဲလစ်ဟာသွားခြင်း စတဲ့ခံစားချက်များအားလုံး ဝမ်းနည်းခြင်းသို့ပြောင်းကာ မွန် ငိုချင်လာမိသည်။ သူရော၊ မွန်ရော တစ်ယောက်ကိုတစ်ယောက် ငဲ့နေစရာမလိုအောင် စောင့်နေရမယ့် စကားမျိုး မပြောခဲ့တာကို မွန်တို့ နှစ်ယောက်ပဲ နားလည်ခဲ့ကြသည်။ သူများကို ဝန်ထုတ်ဝန်ပိုးမဖြစ်စေချင်ခဲ့သော မွန်သည် သူ့အတွက်ဝန်ထုတ်ဝန်ပိုးဖြစ်မှာ အလွန်စိုးရိမ်သော သူတစ်ယောက်ကို ချစ်ခဲ့မိလေပြီ။

ဘယ်လောက်ကြာအောင် သူထွက်သွားမှာလဲ။

သူက မပြောပြခဲ့သလို မွန်ကလည်း ဘယ်တော့မှ မေးဖို့ မရည်ရွယ်ခဲ့ပါ။ 

 * * * * * * * * * * *

ဆက်ပါဦးမည်

ဘာတမ်နောက်ဆက်တွဲ

ဘာတမ်ခရီးစဉ်ကို ဖတ်ပြီး သူငယ်ချင်း၊ မ်ိတ်ဆွေ တချို့ဆီက မေးခွန်လေးတွေရောက်လာလို့ အခု ဘာတမ်နောက်ဆက်တွဲကို ရေးလိုက်ပါတယ်။ 

www.deal.com.sg ကို စိတ်ဝင်စားနေကြတာ ကြာပါပြီ။ ခွင့်မယူချင်ကြတာ၊ ရက်ညှိမရတာ၊ ဘက်ဂျက်အခြေအနေကြည့်နေရတာတွေကြောင့် စိတ်သာဝင်စားပြီး မသွားဖြစ်ကြပါဘူး။ Turi Beach Resort ရဲ့  promotion မှာလည်း သွားမယ် မသွားဘူး ဆုံးဖြတ်ချက် မကျသေးပါဘူး။ Debit Card နဲ့ ပေးလို့ရမရ စမ်းသပ်ကြရင်းက button မှားနှိပ်လိုက်တာ ပိုက်ဆံတကယ်ဖြတ်သွားလို့ ဆုံးဖြတ်ချက် ကျသွားတာပါ။ အဲဒီ့အချိန်က promotion က နှစ်ယောက်တစ်တွဲ တစ်ယောက်ကို SGD85.00 ကျပါတယ်။ Riani Deluxe Room ၊ တစ်ညအိပ်နှစ်ရက် ( 2D1N ) ခရီးစဉ်မို့ Buffet Dinner နဲ့ Breakfast ပါ ပါတယ်။ ဖယ်ရီစီစဉ်ပေးပြီး Nongsapura Ferry Terminal ကို အကြိုအပို့ လုပ်ပေးပါတယ်။ အသွားအပြန် ဖယ်ရီ အချိန်ကို ပေးထားတဲ့ အချိန်စာရင်းထဲက ကြိုက်တဲ့အချိန် ရွေးလို့ရပါတယ်။ စလုံးက အသွားမှာ Passenger's departure fee (PDF) SGD6.00 နဲ့ fuel surcharge SGD14.00 ကို Batam Fast Ferry Operator ကို ပေးရပြီး အပြန်မှာ Batam terminal fee SGD4.00 ကိုပေးရပါတယ်။ အဲဒါကြောင့် စုစုပေါင်း SGD109.00 ဖြစ်သွားပါတယ်။ 

ဘာတမ်မှာ အဓိက ဖယ်ရီတာမီနယ် လေးခုရှိပါတယ်။ Batam Centre, Sekupang, Waterfront City နဲ့ Nongsapura တို့ပါ။ Nongsapura ကိုသွားမယ်ဆိုရင်တော့ Tanah Merah Ferry Terminal က သွားရပါတယ်။ 

ဘာတမ်သွားမယ့်အကြောင်း သူငယ်ချင်းတစ်ယောက်ကို ပြောပြတော့ စလုံးလောက်ကြီးတဲ့ ကျွန်းလေးပဲ၊ ဂေါက်ရိုက်တာ နာမည်ကြီးတယ် ( ဂေါက်ကွင်းတွေရှိတယ်လို့ ဆိုလိုချင်တာပါ ) လို့ပြောပါတယ်။ အဲဒါနဲ့ မသွားခင်ညမှာ Google ကနေ မြေပုံရှာပြီးကြည့်တော့ ဟုတ်ပါတယ် ကျွန်းပေါ်မှာ ဂေါက်ကွင်းတွေ အများကြီးပါပဲ။ ဖယ်ရီဆိပ်ကို ရောက်တော့လည်း ရုံးပိတ်ရက်မို့ နေ့ချင်းပြန် ဂေါက်သွားရိုက်မယ့်သူတွေ အများကြီးတွေ့ပါတယ်။ 

စလုံးဘက်ကမ်းကနေ ဘာတမ်ဘက်ကမ်းကို ရောက်ဖို့ လေးဆယ့်ငါးမိနစ်ခန့် ဖယ်ရီစီးရပါတယ်။ Nongasapura ဖယ်ရီဆိပ်က မြို့ ရဲ့ အစွန်ဘက်မှာဆိုတော့ လူတော်တော်ရှင်းပါတယ်။ Immigration Counter ကိုကျော်သွားတော့ " Turi Beach Turi Beach " လို့အော်ပြီး လာကြိုနေတာ ကြားရပါတယ်။ နောက်ထပ် တစ်နေရာကလည်း အော်ခေါ်ပြီး လာကြိုတာ တွေ့ပါတယ်။ ဘယ်ကလဲဆိုတာတော့ မမှတ်မိတော့ပါဘူး။ ဂေါက်အိတ်လွယ်ထားသူ အများစုက အဲဒီ့အော်သံနောက်ကို လိုက်သွားတာတော့ သတိထားမိလိုက်ပါတယ်။ Turi Beach လို့ အော်နေတဲ့လူကြီးဆီကို သွားတော့ အပြန်ဖယ်ရီချိန်ကို Batam Fast Counter ခုံလေးမှာ သွားပြောပြီး သူ့နောက်လိုက်ခဲ့ဖို့ ပြောပါတယ်။ 

လာကြိုတဲ့ လူကြီးနောက်လိုက်သွားတော့ Turi ရဲ့  ခရီးသည်ကြိုကားကို တွေ့ပါတယ်။ ပထမဆုံး အခေါက်မို့ ကိုယ်တွေအပြင် နှစ်ယောက်တစ်တွဲ သုံးတွဲပဲ ပါလာပါတယ်။ ကားရပ်ထားတဲ့နေရာကို ကြည့်ကြည့်တော့ နောက်ထပ်ကားတစ်စီးပဲ ရှိပါတယ်။ မနက်အစောဆုံး အခေါက်မိုိ့လို့ ဖယ်ရီဆိပ်မှာ လူတအားရှင်းနေတယ်လို့ ထင်ပေမယ့်  နောက်နေ့နေ့လည်  နှစ်နာရီ စလုံးပြန်ဖို့အတွက် ဖယ်ရီဆိပ်ကို ရောက်လာချိန်မှာလည်း ကိုယ်နဲ့အတူပြန်မယ့် ခရီးသည်တွေပဲရှိပြီး ရှင်းလင်းနေပါတယ်။ Taxi တစ်စီးမှ မတွေ့ မိပါဘူး။ ကားထွက်လာတော့ လမ်းတလျှောက်မှာ အဆောက်အဦးတွေ မတွေ့မိဘဲ သစ်ပင် သစ်တောတွေ အုပ်ဆိုင်းနေပါတယ်။ ဆယ့်ငါးမိနစ်လောက် မောင်းသွားပြီး Turi ကိုရောက်တော့ မနက် ဆယ်နာရီလောက်ပဲ ရှိပါသေးတယ်။ Check in က နေ့လည်တစ်နာရီမှ လုပ်လို့ရမှာပါ။ အခန်းလွတ်လည်း မရှိသေးပါဘူး။

အစကတည်းက မြို့ထဲကို အရင်သွားလည်မယ်လို့ စိတ်ကူးထားကြတာမို့ မြို့ ထဲဘယ်လိုသွားလို့ရမလဲ မေးကြည့်တဲ့အခါ Turi က ပို့ပေးတဲ့ bus ကိုစီးချင်ရင် နေ့လည်တစ်နာရီအထိ စောင့်ရမယ်၊ မြို့ ထဲကို ပတ်ပို့ပေးပြီး တစ်နေရာမှာ ဆယ့်ငါးမိနစ်လောက် စောင့်ပေးတယ်လို့ ပြောပါတယ်။ ညနေလေးနာရီမှာ ပြန်ရောက်မှာပါ။ Taxi ခေါ်ချင်တယ်ဆိုရင်လည်း ခေါ်ပေးပါမယ်။ တစ်ခါထွက်ရင် သုံးနာရီအနည်းဆုံးကြာပြီး နာရီနဲ့ပေးရတယ်လို့ ပြောပါတယ်။ အခန်းမရသေးဘဲ နေ့လည်တစ်နာရီအထိ မစောင့်ချင်တာရယ်၊ သူတို့ပို့မယ့် အထဲမှာ ဘုရားကျောင်းပါမပါ မသေချာတာရယ်ကြောင့် Taxi နဲ့သွားဖို့ပဲ ဆုံးဖြတ်လိုက်ပါတယ်။ Malacca ခရီးတုန်းကလို ကိုယ်သွားချင်တဲ့နေရာ မရောက်ဘဲ ကားပေါ်ကဆင်းတာနဲ့ ဆယ့်ငါးမိနစ်ပြည့်ပြီး ဘာမှမကြည့်ရဘဲ ပြန်တက်လာရမှာ စိုးတာကြောင့်လည်း ပါပါတယ်။Taxi ခက SGD30 ဝန်းကျင်လို့ထင်တာပါပဲ။ မမှတ်မိတော့ပါဘူး။

ပါလာတဲ့ကျောပိုးအိတ်ကို reception မှာအပ်ပြီး ခေါ်ပေးတဲ့ Taxi နဲ့ထွက်ခဲ့ကြပါတယ်။ Resort နဲ့ ချိတ်ဆက်ထားတဲ့ Taxi မို့ ကားသမားလေးဟာ အင်္ဂလိပ်လို ကောင်းစွာပြောနိုင်ပါတယ်။ ဖယ်ရီဆိပ်ကလာတဲ့ လမ်းဆုံရောက်တော့ နဲနဲသဘောပေါက်သွားပါတယ်။ ဖယ်ရီဆိပ်ကနေ လာတဲ့လမ်းက Turi သွားချင်ရင် ဘယ်ချိုး၊ မြို့ထဲသွားချင်ရင် ညာချိုး။ လမ်းတလျှောက်မှာ ငေးရတာတော့ မြန်မာပြည်မှာ ခရီးထွက်ရသလိုပါပဲ။ လမ်းမကြီးဘေးမှာ ဆိုင်ကယ်ပြင်ဆိုင်လေးတွေ၊ မုန့်ဆိုင်လေးတွေ နဲ့ တစ်ထပ်အိမ်လေးတွေ ရှိပါတယ်။ တချို့နေရာတွေမှာတော့ မြို့သစ်လို အိမ်ယာတွေ ဆောက်နေတာ တွေ့ပါတယ်။ သတိထားမိတာတစ်ခုက ဘာတမ်ကျွန်းရဲ့မြေသားက မြေနီဖြစ်နေတာပါ။ ဆောက်လုပ်ရေးအတွက် မြေရှင်းထားတဲ့ နေရာတွေက မြေနီကွင်းကြီးတွေ ဖြစ်နေပါတယ်။  တချို့နေရာတွေကို ဓါတ်ပုံရိုက်ချင်ပေမယ့် ကားသမားလေးက ကားမောင်းတာမြန်လွန်းလို့ ရိုက်လို့မရပါဘူး။ လမ်းဆုံတွေရောက်လို့ ကြော်ငြာဘုတ်တွေမြင်လိုက် ရောက်တော့မယ်ထင်လိုက်နဲ့ တကယ်တော့ တော်တော်ဝေးပါတယ်။ ဘုရားကျောင်းကိုရောက်တော့ ကဆုန်လပြည့်နေ့မို့ ကားတွေလူတွေ အများကြီးပါပဲ။ ဘုရားကျောင်းကို လှည့်ပတ်ကြည့်တာ နာရီဝက်ကျော်ကျော်ကြာပါတယ်။

ဘုရားကျောင်းပြီးတော့ Mega Mall ကိုသွားပါတယ်။ နေ့လည်စာ ဘယ်မှာစားရမှန်းမသိတာ ကားသမားလေးက အဲဒီ့မှာစားလို့ရတယ်ဆိုလို့ပါ။ နှစ်ယောက်သား ဆိုင်ပတ်ရွေးနေတာ၊ စားနေတာ တော်တော်ကြာသွားပါတယ်။ မြို့ ကိုသာနှံ့အောင်သွားမယ်ဆိုရင် သုံးနာရီဆိုတဲ့အချိန်က သိပ်ကိုနဲပါတယ်။ Turi နဲ့ အသွားတစ်နာရီ အပြန်တစ်နာရီကြာတော့ မြို့ ထဲပတ်ချိန် တစ်နာရီပဲရပါတယ်။ ဘယ်လိုမှ မလောက်ပါဘူး။ မမခင်ဦးမေ သွားသလို Taxi တစ်နေကုန်ငှားမှ နှံ့မှာပါ။ မမတွေ့ခဲ့တဲ့ တံတားတွေလည်း တစ်စင်းမှ မတွေ့ခဲ့ပါဘူး။ ကားခကို နာရီနဲ့တွက်တာဆိုတော့ ပိုက်ဆံပိုပေးပြီး ဆက်သွားလို့ရပေမယ့် Resort မှာ အခန်းမရသေးတာရယ်၊ တစ်ညလုံးအိပ်ရေးပျက်ပြီး ခေါင်းမကြည်ကြတာရယ်ကြောင့် ပထမပြောထားတဲ့ သုံးနာရီအတိုင်း Turi ကိုပြန်ဖို့ပဲပြောလိုက်ကြပါတယ်။

Turi Beach Resort က ပင်လယ်ကမ်းခြေဘေး တောင်ကုန်းကြီးပေါ်မှာ ဆောက်ထားပြီး တော်တော်လေးကို ကျယ်ပါတယ်။ တောင်ကုန်းမို့လို့ အဆင့်လေးဆင့်ခွဲပြီး ဆောက်ထားတာကြောင့် အဆင့်တိုင်း၊ အခန်းတိုင်းဟာ seaview ဖြစ်နေပါတယ်။ promotion အတွက်စီစဉ်ထားတာ ပင်မအဆောက်အဦးဘက်က အခန်းတွေဖြစ်ပေမယ့် လူများပြီး အခန်းမကျန်တော့တာမို့ ကံကောင်းစွာနဲ့ ဘန်ဂလိုလေးမှာ ရပါတယ်။ နှစ်ယောက်ခန်း နှစ်ခန်းတစ်တွဲ ဘန်ဂလိုလေးတွေပါ။ Turi ရဲ့ ဘေးကပ်ရပ်က Nongas Point Marina & Resort ပါ။ အပျော်စီးမော်တော်တွေပါ ငှားလို့ရပြီး အဆောက်အဦးအပြင်အဆင်တွေ ပိုခမ်းနားပေမယ့် ပင်လယ်ပြင်ကို မြင်နေရတာကလွဲလို့ သဘာဝအလှ လုံးဝမရှိတော့တာကြောင့် မကြိုက်ပါဘူး။ Turi မှာက ပေခြောက်ဆယ်လောက်ရှည်တဲ့ သဲသောင်ကမ်းခြေလေး ကျန်နေလို့ ရေကူးချင်၊ သဲပြင်ပေါ်လမ်းလျှောက်ချင်လို့ ရပါသေးတယ်။

ရေးရင်းနဲ့ စိတ်ထဲမှာ Turi ကို ကြော်ငြာနေရသလိုပဲလို့ ထင်လာပါပြီ။ သူများနိုင်ငံက ပိုင်တာကို ကြော်ငြာပေးရတာ စိတ်ထဲမှာခိုးလိုးခုလု။ {{ အဲဒီလိုလည်း မနာလိုဖြစ်တတ်ပါတယ် :) }}

ဘာတမ်နဲ့ ပတ်သက်ပြီး နောက်ထပ်ပြောပြချင်တာလေးတစ်ခု ရှိပါသေးတယ်။

 ပြီးခဲ့တဲ့ ဇူလိုင်လ ၂၈ ရက်က ဘာတမ်မှာ ဖားအောက်တောရ ဝိပဿနာ ဒူရ ရိပ်သာ Pa-Auk Tawya Vipassanā Dhura Hermitage (“PATVDH”)  ရဲ့ သိမ်ဖွင့်ပွဲကို ဖားအောက်တောရ ဆရာတော်ဘုရားကြီး ကြီးမှူးပြီး ကျင်းပခဲ့ပါတယ်။

ရိပ်သာနေရာက အင်မတန်မှ ကျယ်ဝန်းပြီး စိတ်ငြိမ်အေးချမ်းတဲ့ နေရာလေးပါ။ ယောဂီများ နေထိုင်ရန် အဆောက်အဦးများကို ဆောက်လုပ်ဆဲမို့ အချိန်မရွေးတော့ တရားစခန်းဝင်လို့ မရသေးပါဘူး။ ဒါပေမယ့် အခါအားလျော်စွာ လူဦးရေ အကန့်အသတ်နဲ့ တရားစခန်းတွေ ဖွင့်လှစ်ဦးမှာပါ။ အဆောက်အဦးများ အားလုံး ပြီးသွားရင်တော့ တရားအားထုတ်ချင်သူများအတွက် ပိုပြီး အဆင်ပြေသွားပါမယ်။ မြေနေရာနည်းပါးပြီး ကျဉ်းကျပ်တဲ့ စင်္ကာပူမှာ နေထိုင်သူတွေအတွက် ဘာတမ်မှာ တရားစခန်း ပေါ်ပေါက်လာခြင်းဟာ မင်္ဂလာသတင်းပါ။ အရင်ကလို ဗီဇာ မလိုတော့တာကြောင့် စင်္ကာပူရောက် မြန်မာများအားလုံးအတွက်လည်း အဆင်ပြေပါတယ်။ ဘဝရှင်သန်ရပ်တည်ရေးအတွက် အလုပ်တွေလုပ်နေကြရင်းက အချိန်ရှိခိုက် တရားဘက်လိုက်ကာ အားထုတ်ချင်ကြတယ်ဆိုရင်တော့ Eunos က ဖားအောက်ကျောင်းမှာ စုံစမ်းနိုင်ပါကြောင်း နိဗ္ဗာန်အကျိုးမျှော် နှိုးဆော်ရင်း ဘာတမ်နောက်ဆက်တွဲကို အဆုံးသတ်လိုက်ပါတယ်။      ။


ညိုလေးနေ
10.09.2012

မေ့ပင်ပျို

ဝေးတမြေ
အလွမ်းပြေ တစ်ခါလှမ်းပေမယ့်
မတွေ့သာ ဟန်ရှောင်ပုန်းလေတော့
စိတ်တွင်ညို သခင်စိုးပိုင်လို့
စိမ်းရက်လေလွန်း။

တွေးမဖြေ
မာနဝေ သီကာလွှမ်းလေလည်း
ပြစ်မမြင်ပါ ရန်ဆောင်မမုန်းချင်တော့
မေ့ပင်ကို တမင်ပျိုးနိူင်ဖို့
မေတ္တာရေသွန်း။

မယ်ညို
04.09.2012  ( 1:50 pm )

စိတ်ကူးတွေနဲ့ ဘာတမ်ကမ်းခြေ ( ၃ )

မနေ့ညက မိုးကြိုးပစ်ခံရခြင်း ... မဟုတ်သေးပါဘူး ... မိုးချုန်းသံကြောင့် အိပ်ပျက်ရခြင်းသည် ပင်လယ်လှိုင်းတို့၏ အခွင့်အရေးကို ထိပါးလေသည်။ ခေါင်းဦးနှင့်ခေါင်းထိသော တခဏမှာ လှိုင်းပုတ်သံသည်ပင် ချော့သိပ်ခွင့် မရလိုက်ရှာပါ။ တစ်ရေးနိုးသော် မိုးလင်းနေပြီ။ ကမန်းကတန်း မျက်နှာသစ်လို့ ကမ်းစပ်ဆီသို့ သွားကြမည်။

ဤလမ်းလေးသည် နံနက်ခင်းမလင်းတလင်းတွင်လည်း လှလို့နေ၏

ဘာမှန်းတော့မသိ စိတ်ထဲမှာ တစ်ခုခုတော့ လွဲနေသလိုလို ။ ကမ်းစပ်ကိုရောက်ပြီ။ နာရီကိုကြည့်လိုက် ကောင်းကင်ကိုကြည့်လိုက်နှင့် လွဲနေခြင်းကို ရှာဖွေတွေ့ ရှိသွားသည်။
 

 စိတ်ကူးထဲမှ နံနက်ခင်းနေမင်းသည် မိုးတိမ်တို့နောက်မှာ ပုန်းကွယ်နေလေ၏။ မထွက်ချင်ထွက်ချင်နဲ့ ထွက်လာရရှာသည်။ ကိုယ်တွေကရုံးပိတ်ရက်မှာ ပင်လယ်ပြင်နှင့်အတူသူ့ကို ရှုစားရန်လာပါသည် ဆိုမှ။ နောက်ဆုံးမှာတော့ သဘောထားကြီးစွာ ဖြေတွေး တွေးပေးလိုက်ပါသည်။ သူ့ခမျာ ရုံးပိတ်ရက်မှမရှိတာ။ သူလည်း နားချင်ရှာမှာပေါ့။

တံတားပေါ်လျှောက်အကြည့်မှာတော့ လွဲနေခြင်းကို အကျေနပ်ကြီး ကျေနပ်သွားမိသည်။ နေရောင်ခြည်နှင့် ကြည်လင်အေးမြခြင်းကို တွဲလျက် ပထမဆုံး ခံစားဖူးခြင်းပင်။ နေရောင်ဆိုလျှင် အနီရောင်၊ လိမ္မော်ရောင် တွေသန်းလို့ ပူနွေးနေတတ်သည်ဟုသာ စိတ်စွဲနေမိသူကို တွေ့လိုက်ရသည့် မြင်ကွင်းက အစွဲပျောက်စေခဲ့ပြီ။ သဘောထားကြီးရကျိုးနပ်ပါသည်  :)

အေးချမ်းလှတဲ့ နံနက်ခင်းအလှကို ထမင်းမေ့ဟင့်မေ့ ခံစားချင်သော်လည်း ဗိုက်ကအမေ့မခံပါ။ တဂွီဂွီဖြင့် အချက်ပြလာသောကြောင့် အဆောက်အဦးဘက်ကို ပြန်လာခဲ့ရသည်။ နံနက်စာလေးတော့ စားထားဦးမှဖြစ်မည်။ ပြီးရင်မွှေရ၊ နှောက်ရ၊ လျှောက်ရဦးမှာကိုး။

နံနက်စာစားဖို့ အသွားတွင် ပုသိမ်ထီးလိုထီးမျိုး ၂ ဆင့် ဆောင်းကာ ပုဆိုးအနက်ကွက်ပတ်ထားသူတို့နှင့် ဆုံ၍ မှတ်တမ်းတင်ခဲ့သည်။

ဗိုက်ပြည့်သွားသောအခါ ပေါ့ပေါ့ပါးပါး မွှေနှောက်နိုင်ရန် အသွားသင့်ဆုံးနေရာသို့ အရင်သွားရသည်။ ထိုနေရာက ကြိုဆိုရေးဆိုင်းဘုတ်လေးတွေမြင်သောအခါ မဆီမဆိုင် Mr.Bean ကို သွားသတိရမိသည်။ သူလိုလူမျိုးကသာ ဆိုင်းဘုတ်လေးတွေကို အထက်အောက်ပြောင်းပြန်လှည့်လိုက်လျှင် ..... ။

ထိုသို့ ပေါက်ကရတွေးကာ ပေါက်ကရမလုပ်ရဲရန် ထိုနေရာနှင့် မျက်နှာချင်းဆိုင်တွင် သူ့အား စောင့်ခိုင်းထားပုံရသည်။

နှစ်ယောက်သား အဆောက်အဦးပေါ်မှ ပြန်ဆင်းလာတော့ မြန်မာဆန်သော လုံမပျိုတစ်ဦးကို သွားတွေ့ သည်။ မြန်မာမ စစ်စစ်လေး အနားကပ်လိုက်လျှင် သူမ၏အလှ မှေးမှိန်သွားမှာအားနာ၍ ဓါတ်ပုံတော့ တွဲမရိုက်ခဲ့ပါ  :)

အနီးပတ်ဝန်းကျင်ကို လေ့လာရန် စိတ်တူကိုယ်တူ သဘောတူထားသူ နှစ်ယောက်သည် Turi ၏ပိုင်နက်ကို ကျော်လွန်၍ ထွက်ခဲ့ကြသည်။ ကမ်းခြေတစ်လျှောက်ကို Resort များက အပိုင်းလိုက် ပိုင်ဆိုင်ထားကြပေမယ့် အပြီးအပိုင် စည်းခတ်ပိတ်ဆို့မထား၍ တော်သေးသည်။ သို့သော် သူ့ကမ်းခြေနှင့်သူ ပြင်ဆင်ထားပုံခြင်းတော့ မတူ။

ပင်လယ်ကမ်းခြေလော ပင်လယ်ကန်ဘောင်လော

မော်တော်ဘုတ်များမြင်သောအခါ Tourist ဇာတ်ကားနှင့် Johnny Depp ကို သတိရမိပြန်သည်။ သူမှမဟုတ်ပါဘူး ငါလည်း Tourist ပါပဲဟုတွေးကာ ကျေနပ်ပစ်လိုက်သည်။

 ငါဟာရွက်လွင့် မဟုတ် သူတို့ဟာရွက်လွင့် ပါ 

Turi ဘက်ကို ပြန်လျှောက်လာတော့ ရေကူးသူ၊ လှိုင်းစီးသူ၊ လှေစီးသူတို့ဖြင့် စည်ကားနေပြီ။ စိတ်ကူးထဲကလို မျက်စိတစ်ဆုံးမဟုတ်ပေမယ့် သဲသောင်ကမ်းစပ်လေး ချန်ထားပေးတာကို ကျေးဇူးတင်မိသည်။ Turi မှာက သဘာဝအလှလေး နည်းနည်းကျန်သေးသည်။

ကတွတ်ပင်ထိပ်ဖျားလည်း ရောက်ခဲ့သည်

အုန်းသီးတစ်လုံးလုံး လက်ဖဝါးပေါ် တင်ကာ အိုက်တင်ပေး ဓါတ်ပုံရိုက်ရ၍ အားကုန်ပြီးပင်ပန်းသွားသည်။
အခန်းပြန်ကာနားရမည်။
 

မကြာမီ ပြန်ရတော့မည်။

 ဆင်စီးကာ ပြန်ကြလျှင်ကောင်းမည်လော။ အလို ... မဖြစ် ..... ဘယ်နည်းနှင့်မျှ မဖြစ်ချေ။ 

နှုတ်ဆက်ပါသည် Beach Turi

ဘာတမ်မိုးကလည်း နှုတ်ဆက်သည်

သို့သော် .....

 
အဆောက်အဦး လိမ္မော်ရောင်လေးကတော့ ကြိုလင့်နေလေသည်။     ။

ညိုလေးနေ
02.09.12 ( 11:56 pm )