အိတ္ေမွာက္ ဖာသြန္ ႏွစ္ဆယ့္ခြန္ (တဂ္ပို႕စ္)

 

အစ္မ သက္ေဝ က Tag လိုက္တာကို ႏွစ္ဆယ့္ခြန္ကေန  ႏွစ္ဆယ့္ရွစ္ ကူးသြား မွာ စိုးလို႔ ရံုးဆင္းေအာင္ မေစာင့္ေတာ့ပါဘူး။ ဘာရမလဲ ေရးေနရင္ၾကာတယ္။  အစ္မေတြ စကားနားေထာင္တယ္။  ေမွာက္ဆိုရင္ေမွာက္ ... သြန္ဆိုရင္ သြန္ပဲ ။

ေဘးက လြတ္ေနတဲ့စားပြဲမွာ သြန္ထည့္လိုက္တယ္။ ကာလၾကာရွည္စြာ သိုမွီးထားတဲ့ စိတ္ႏွလံုးေလးလံေစေသာ အရာမ်ားပါ ပါသြားပါေစေသာဝ္   း))

အစ္ကိုညီလင္းသစ္ .... ညီမေလး အိတ္ထဲမွာလည္း SD Card  ပါေလရဲ႕  .... အဟဲ ။     ။


ညိဳေလးေန
၂၇.ဝ၈.၂ဝ၁၃ ( ၄း၅၄ )

စိတ္မေကာင္းဘူး "June"

အခြန္ေတြ ပိုေပးလိုက္ရတယ္ ... စိတ္မေကာင္းဘူး
လစာ မပါတဲ့ လုပ္သက္ေတြတိုးလာတယ္ ... စိတ္မေကာင္းဘူး
မစၧရိယေတြ သိလိုက္ရတယ္ ... စိတ္မေကာင္းဘူး
မေလးရွားမွာ တို႔လူမ်ဳိးေတြ အသတ္ခံရတယ္ ... စိတ္မေကာင္းဘူး
စိုးရိမ္ပူပန္ေနသူေတြ ျမင္ရတယ္ ... စိတ္မေကာင္းဘူး
ၿငိမ္းခ်မ္းေရးက အလွမ္းေဝးေနေသးတယ္ ... စိတ္မေကာင္းဘူး
မီးခိုးေငြ႕ေတြ သံုးႏိုင္ငံလံုး ရွဴ ရွဳိက္ေနရတယ္ ... စိတ္မေကာင္းဘူး
လ်စ္လ်ဴရွဳထားျခင္း ခံရတယ္ ... စိတ္မေကာင္းဘူး
တိုင္းမ္မဂၢဇင္းက မ်က္ႏွာဖံုးတင္ ေစာ္ကားတယ္ ... စိတ္မေကာင္းဘူး
အခ်င္းခ်င္း ရန္လိုေနၾကတယ္ ... စိတ္မေကာင္းဘူး
ေမတၱာတရားေတြ ေပ်ာက္ဆံုးေနၾကတယ္ ... စိတ္မေကာင္းဘူး
ခိုကေလးေတြ ေသၾကတယ္ ... စိတ္မေကာင္းဘူး
ေခြးေလးေတြ မွဳိင္ေနၾကတယ္ ... စိတ္မေကာင္းဘူး
ခ်စ္တဲ့သူက ခြဲခြါသြားေတာ့မယ္ ... စိတ္မေကာင္းဘူး
တစ္ခါက ေျပာခဲ့တယ္ ပင္ပန္းလြန္းပါတယ္ တဲ့
ဒါေပမယ့္ ...
တကယ္ကို စိတ္မေကာင္းဘူးကြယ္။       ။

ညိဳေလးေန

( 22.06.2013)  10:43 am

သက်သာစေလို ဝင်ငွေခွန်ကို

“ ပြည်ပနေ နိုင်ငံသားများက နိုင်ငံခြားငွေဖြင့် ရရှိသည့် လစဉ်ခေါင်းစဉ် အောက်ရှိ ဝင်ငွေစုစုပေါင်းအပေါ် ရရှိသည့် နိုင်ငံခြားငွေ အမျိုးအစားဖြင့် ပေးဆောင်စေသည့် ဝင်ငွေခွန်ကို ဝင်ငွေခွန်ဥပဒေ ပုဒ်မ ၅၊ ပုဒ်မခွဲ (ခ) အရ ၂၀၁၂ ခုနှစ် ဇန်နဝါရီလ ၁ ရက်နေ့မှစ၍ ကင်းလွတ်ခွင့် ပြုလိုက်ပြီးဖြစ်ပါသည်” ဆိုတော့ စင်္ကာပူမှာ အလုပ်လုပ်နေတဲ့ မြန်မာနိုင်ငံသား တော်တော်များများလည်း ၂၀၁၁ ခုနှစ် ဒီဇင်ဘာလ အထိ အခွန်ဆောင်ပြီးကြပြီလို့ ထင်ပါတယ်။ ဒါပေမယ့် အခွန်မဆောင်ရသေးတဲ့ သူများရှိရင် သိရအောင်လို့ ရည်ရွယ်ပြီး ရေးလိုက်ပါတယ်။

စင်္ကာပူမှာ အလုပ်လုပ်နေတဲ့ မြန်မာနိုင်ငံသားများအနေနဲ့ ၂၀၁၀ မတ်လအထိ မြန်မာအစိုးရကို ဝင်ငွေခွန်ဆောင်ထားပြီးလျှင်၊ စင်္ကာပူအစိုးရကိုလည်း  ၂၀၁၀ နဲ့ ၂၀၁၁ ဝင်ငွေများအတွက် ဝင်ငွေခွန်ဆောင်ထားပြီးပြီ ဆိုရင်ဖြင့် ၂၀၁၀ ဧပြီလအတွက်ကစလို့ စင်္ကာပူမြန်မာသံရုံးမှာ ဝင်ငွေခွန်ဆောင်စရာမလိုဘဲ စက်ဖြင့် ဖတ်ရှု့စစ်ဆေးနိုင်သည့် မြန်မာနိုင်ငံကူးလက်မှတ် (MRP ) စာအုပ်လဲလို့ ရပါတယ်။

တစ်နေ့က ညီမလေးတစ်ယောက် အိမ်လာလည်ရင်း ပတ်စ်ပို့သက်တမ်းကုန်တော့မှာဖြစ်လို့ အခွန်ဆောင်ပြီး စာအုပ်လဲရန် ဘာတွေလိုအပ်လဲလို့ မေးပါတယ်။ ကျွန်မကလည်း  ဘာ Pass နဲ့ လုပ်နေတာလဲ ၊ အခွန်ဘယ်အထိ ဆောင်ထားပြီးပြီလဲ၊ ဘာစာရွက်စာတမ်းတွေယူသွား ရမယ် စသဖြင့် ကျွန်မအခွန်ဆောင်စဉ်က လုပ်ရိုးလုပ်စဉ်တွေအတိုင်းပဲ ပြောပြမိပါတယ်။

အဲဒီ့အချိန်မှာ ကျွန်မတို့အိမ်ကိုပြောင်းလာခါစ အစ်မက မေးပါတယ် စင်္ကာပူအစိုးရကို နှစ်စဉ်အခွန်ဆောင်ထားလား၊ ဆောင်ထားတယ်ဆိုရင် မြန်မာအစိုးရကို ၂၀၁၀ ဧပြီလ နောက်ပိုင်း ကစလို့ ဆောင်စရာ မလိုတော့ပါဘူး လို့ ပြောပါတယ်။ ကျွန်မ မယုံမရဲနဲ့ အလွန်ပဲ အံ့သြမိပါတယ်။ အဲလိုမျိုး ဆောင်စရာမလိုတဲ့ အကြောင်းလည်း တစ်ခါမှ မကြားမိပါဘူး။ စင်္ကာပူအစိုးရနဲ့ မြန်မာအစိုးရကြားမှာ Agreement for Avoidance of Double Taxation ရှိခဲ့တာ ဟိုးအရင်ကတည်းကလည်း သိခဲ့ပါတယ်။ Print ထုတ်ပြီးတော့လည်း ဖတ်ဖူးပါတယ်။ တခြားနိုင်ငံတွေမှာ ရောက်နေတဲ့ သူငယ်ချင်းတွေနဲ့လည်း ဟိုမှာဘယ်လို ဒီမှာဘယ်လို စသဖြင့်ဆွေးနွေးဖူးပါတယ်။ ကိုယ်တိုင်က စာရင်းကိုင်မို့လို့ အခွန်အကြောင်းလည်း သိသင့်သလောက်တော့ သိပါတယ်။ ဒါပေမယ့် ဘယ်လောက်ပဲသိသိ ဟိုးအရင်က အခြေအနေတွေအရ မဆောင်လို့မဖြစ်တော့ အများဆောင်၊ ကိုယ်လည်းဆောင် လိုက်တာပါပဲ။

ဒါပေမယ့် အဲဒီ့ အစ်မရဲ့ စကားကို ကြားလိုက်ရချိန်မှာတော့ ကျွန်မ အလွန်အံ့သြမိပါတယ်။ ကျွန်မ သိထားတာက ၂၀၁၁ ခုနှစ် သြဂုတ်က ၁၉ ရက်က စလို့ ဆောင်ရမယ့် ဝင်ငွေခွန်ကို ၂% အထိ လျော့ချလိုက်တာ၊ နောက်တော့ ၂၀၁၁ခု ဒီဇင်ဘာအထိပဲ ဆောင်စရာလိုတော့တာ။ အခုတော့ Agreement ထဲက အတိုင်း ၂၀၁၀ မတ်လအထိ မြန်မာဝင်ငွေခွန်ဆောင်ပြီးရင်၊ IRAS မှာ နှစ်တိုင်း filing လုပ်ပြီး စင်္ကာပူအစိုးရကို ဝင်ငွေခွန်ဆောင်ထားတဲ့ အထောက်အထား စုံစုံလင်လင်ပြနိုင်ရင် ၂၀၁၀ ဧပြီလရဲ့ အခွန်ကစလို့ ဆောင်စရာမလိုတော့ပါတဲ့။ ကျွန်မရဲ့ မယုံနိုင်မှုကြောင့် အစ်မက သူကိုယ်တိုင်ဆောင်ထားတဲ့ အထောက်အထား စာရွက်အပြည့်အစုံ ထုတ်ပြပါတယ်။ 

 

ဒီလိုနဲ့ ကျွန်မကို လာမေးတဲ့ ညီမလေးကလည်း အဲဒီ့အစ်မ ပြောပြတဲ့အတိုင်း စာရွက်စာတမ်း အပြည့်အစုံယူပြီး သွားဆောင်ကြည့်မယ်ဆိုပြီး ကျွန်မတို့ print ထုတ်ဖို့ ပြင်ဆင်ကြပါတယ်။ ကျန်တဲ့ လိုအပ်တဲ့ စာရွက်စာတမ်းတွေကတော့ သံရုံး website မှာဖော်ပြထားတဲ့ အတိုင်းပါပဲ။ သဘောတူစာချုပ်ထဲက အတိုင်း နှစ်ထပ်အခွန်ဆောင်ခြင်းမှ ကင်းလွတ်ဖို့ကတော့ IRAS website က My Tax Portal မှာ Singpass သို့ IRAS PIN နဲ့ဝင်ပြီး မိမိအခွန်ဆောင်ခဲ့တဲ့ မှတ်တမ်းတွေကို print ထုတ်သွားဖို့လိုပါတယ်။ အောက်က ပုံတွေထဲက အတိုင်းအဆင့်ဆင့်သွားပြီး print ထုတ်သွားရမှာပါ။

အရင်ဆုံး  www.iras.gov.sg ကို သွားပြီး my Tax Portal ကို log in ဝင်ရပါမယ်။

 

 

Log in အတွက် Singpass သို့ IRAS PIN ရှိဖို့တော့ လိုပါတယ်။ ပုံမှာပြထားတဲ့အတိုင်း My Personal Tax Matters ကိုရွေးပြီး SingPass သို့  IRAS PIN ကို ရွေးပြီး Log in လုပ်ပါ။

 

SingPass နဲ့ Log in လုပ်ရမယ့် စာမျက်နှာပါ။

 

IRAS PIN ကိုသုံးမည့် သူများ အတွက် စာမျက်နှာပါ။

 

 

 

Log in ဝင်ပြီးလို့ မိမိနဲ့ သက်ဆိုင်ရာ စာမျက်နှာပေါ်လာတဲ့အခါ ဘယ်ဘက်ကော်လံရဲ့ အောက်နားမှာရှိတဲ့  View Account Summary  ကို click လုပ်ပါ။

 

Account Summary စာမျက်နှာပေါ်လာတဲ့အခါ Balance ဆိုတဲ့ Column ခေါင်းစဉ်အောက်က နောက်ဆုံးလက်ကျန်ပမာဏကို click နှိပ်ပါ။ အခွန်ငွေ အားလုံးဆောင်ထားပြီးသူများအတွက် S$0.00 ဆိုပြီး ပေါ်နေပါလိမ့်မယ်။ အခု ဒီအောက်က ဥပမာပြထားတဲ့ ပုံထဲမှာတော့ $21.97 ဆိုတာကို click လုပ်ရမှာပါ။ အသေးစိတ် ဖော်ပြထားတဲ့ Summary စာမျက်နှာကို ရောက်သွားပါလိမ့်မယ်။

အောက်ပါအတိုင်း  အသေးစိတ်ဖော်ပြထားတဲ့ စာမျက်နှာကို print ထုတ်ပြီး ယူသွားရပါမယ်။

နောက်ထပ် Print ထုတ်ရန်အတွက် ဘယ်ဘက်ကော်လံက View Correspondence/Notices ကို click လုပ်ပါ။ အဲဒီ့ စာမျက်နှာ ပေါ်လာတဲ့အခါ Category ဆိုတဲ့ ကော်လံခေါင်းစဉ်အောက်မှာ  Letters/Notices  နှင့်  Acknowledgement/Confirmation  ဆိုပြီး တွေ့ရပါလိမ့်မယ်။

Letters/Notices ထဲက Notice of Assessment တွေကို တစ်ခုချင်းဖွင့်ပြီး print ထုတ်ပါ။

 

 

Acknowledgement/Confirmation  ထဲက Acknowledge for E-filing တွေကိုလည်း တစ်ခုချင်းဖွင့်ပြီး print ထုတ်သွားရပါမယ်။

အထက်ကပြောခဲ့တဲ့အတိုင်း print ထုတ်တာတွေအပြင် လျှောက်လွှာ တစ်စောင်လည်း ရေးသွားရပါမယ်။ IRAS က ပို့ထားတဲ့ စာရွက်စာတမ်းတွေကိုပါ ယူသွားနိုင်ရင်တော့ ပိုပြည့်စုံပါလိမ့်မယ်။ 

အမှန်အတိုင်းပြောရရင် အစ်မပြောပြလို့ အဲဒီ့အကြောင်းသိရတဲ့နေ့ညနေက ကျွန်မတော်တော်လေး စိတ်မကောင်းဖြစ်ပြီး နေမထိထိုင်မသာ ဖြစ်သွားရပါတယ်။ အခွန်ဆောင်ဖို့ မသွားခင် မြန်မာသံရုံးဝဘ်ဆိုဒ်က လမ်းညွန်ကို အထပ်ထပ်အခါခါ ဖတ်သွားတဲ့ကြားထဲက အဲဒီ့အကြောင်းကို ကျွန်မ ဘာဖြစ်လို့မသိခဲ့ရတာလဲ ဆိုပြီးတော့ပါ။ နောက်နေ့မှာ ညီမလေးက စာရွက်အပြည့်အစုံနဲ့ သွားတော့ အဆင်ပြေခဲ့ပါတယ်။ သူအခွန်ထပ်ဆောင်စရာမလိုဘဲ စာအုပ်လဲခွင့် ရခဲ့ပါတယ်။ ကိုယ့်တုန်းက မသိခဲ့ပေမယ့် ညီမလေးရဲ့ အလှည့်မှာတော့ သိပြီးကူညီလိုက်နိုင်လို့ ဝမ်းသာရပါတယ်။ ညီမလေးက EP နဲ့မို့  SGD 2096 ဆောင်ရမယ့်အခွန် ကင်းလွတ်ခွင့်ရသွားလို့ပါ။ ဒါပေမယ့် စာအုပ်အသစ်ကိုတော့ နောက်နေ့မှာထုတ်လို့ မရပါဘူး။ စာအုပ်အသစ်ရဖို့ တစ်လ စောင့်ရမှာပါ။  

ဒီစာကို ရေးမယ်ဆိုတော့ သံရုံးက ထုတ်တဲ့လမ်းညွှန်ကို ကျွန်မပြန်ဖတ်ပါတယ်။ ကျွန်မများ မျက်စိရှန်းပြီး Agreement အကြောင်းနဲ့ IRAS စာရွက်စာတမ်း လိုအပ်ကြောင်းတွေ မမြင်မိတာလားလို့ပါ။ အဲလိုဖတ်ရင်းနဲ့ ထပ်တွေးမိတာက Domestic worker ( အိမ်အကူအဖြစ် လာရောက် အလုပ်လုပ်နေသူ ) ဆိုရင်တော့ဖြင့် ၂၀၁၀ ခုနှစ် ဧပြီမှ ၂၀၁၁ ခုနှစ် ဒီဇင်ဘာအထိ ဝင်ငွေခွန်ကို ဆောင်ကို ဆောင်ရမည့်သဘော သက်ရောက်နေပါတယ်။ ဘာဖြစ်လို့လဲဆိုတော့ စင်္ကာပူအစိုးရက အခွန်စည်းကြပ်တဲ့အခါမှာ တစ်နှစ်စုစုပေါင်းဝင်ငွေဟာ SGD 20000 အောက်နည်းတယ်ဆိုရင် Low-wage workers များဖြစ်လို့ Tax Rate ဟာ 0% ဖြစ်ပြီး ဝင်ငွေခွန်ဆောင်စရာ မလိုပါဘူး။ ကျွန်မ သိသလောက် Domestic Worker တွေရဲ့ တစ်နှစ်ဝင်ငွေဟာ SGD 20000 မရှိပါဘူး။ ဒါကြောင့်မို့ IRAS မှာ ဝင်ငွေခွန်ဆောင်ထားကြောင်း စာရွက်စာတမ်းပြနိုင်မှာ မဟုတ်ပါ။ Agreement အရ တဘက်မှာ အခွန်ဆောင်ထားကြောင်း အထောက်အထားပြနိုင်မှ တခြားတဘက်မှာ ကင်းလွတ်ခွင့်ရှိမှာပါ။ 

ဒီစာလေးကို ရေးရတာကလည်း ကျွန်မလိုပဲ မသိဘဲ ဆောင်ပြီးသွားသူတွေ စိတ်မကောင်းဖြစ်ပါတော့လို့ မရည်ရွယ်ပါဘူး။ မဆောင်ရသေးသူများ၊ စာအုပ်လဲချင်သူများ၊ မသိသေးသူများ သိစေရန်ပဲ ရည်ရွယ်ပါတယ်။      ။

ရည်ညွှန်း 

http://myanmarembassy.sg/downloads/consular/mrp_passport_application_handbook.pdf

http://www.iras.gov.sg/irashome/page04.aspx?id=1190#Tax_rates_for_resident_individuals

http://www.iras.gov.sg/irasHome/uploadedFiles/Quick_Links/Singapore-Myanmar%20DTA%20(26%20June%202009).pdf
 

 

 

ပညတ္ေတြ ဆိုေပမယ့္

“ မဂၤလာ နံနက္ခင္းပါ ၿမိဳ ၊ မင္း ရဲ႕ စားပြဲေနရာကို လိုက္ျပေပးမယ္၊ ၿပီးေတာ့ အေပၚထပ္ ေအာက္ထပ္ လုပ္ေဖာ္ကိုင္ဖက္ေတြနဲ႔ မိတ္ဆက္ေပးမယ္ ”  

ၿပံဳးရႊင္ေဖာ္ေရြေသာ ဝန္ထမ္းခန္႔ထားေရး တာဝန္ခံအမ်ဳိးသမီးႀကီးေၾကာင့္ ပထမဆံုးေန႔ အလုပ္ဝင္ရျခင္းမွာ စိတ္လွဳပ္ရွားပူပန္မွဳေတြ သိပ္မျဖစ္ေတာ့ေပမယ့္ ၿမိဳ ဟူေသာ ေခၚလိုက္သံေၾကာင့္ လည္ပင္းမွာ တစ္ခုခုနင္သြားသလို ခံစားရသည္။

“ ဟိုင္း ပက္ထရစ္၊ ဒါ တို႔ရဲ႕လုပ္ေဖာ္ကိုင္ဖက္အသစ္ စာရင္းကိုင္ဌာနက  ၿမိဳ တဲ့ ”

“ ေႏြးေထြးစြာ ႀကိဳဆိုပါတယ္ ၿမိဳ ” 

“ ေတြ႕ရတာ ဝမ္းသာပါတယ္။ ဒါေပမယ့္ ကၽြန္မနာမည္ အသံထြက္ အမွန္က မ်ဳိး  ပါ၊ အမ္ ဝိုင္ အို … မ်ဳိး ” 

ဘယ္လိုမွ မေအာင့္ႏိုင္ေတာ့တဲ့အဆံုး မ်ဳိး နာမည္အသံထြက္ကို မွန္ေအာင္ျပင္ေပးမိသည္။ ပက္ထရစ္က ခ်က္ခ်င္းမွန္ေအာင္ ေခၚဆိုႏိုင္ေပမယ့္ အန္တီႀကီးကေတာ့ ၿမိဳ လို႔ေကာင္းဆဲ။ ခက္တာပဲ။ သူ႕ကိုျပင္ေစခ်င္တာ။ သူကမိတ္ဆက္ေပးမွာဆိုေတာ့ သူလုပ္တာနဲ႔ တစ္ရံုးလံုး ၿမိဳ ကုန္ရင္ အခက္။

“ တို႔ရံုးမွာ မင္းက ဒုတိယေျမာက္ ျမန္မာလူမ်ဳိးပဲ၊ မင္းအေရွ႕မွာ ေယာကၤ်ားေလးတစ္ေယာက္ပဲ ခန္႔ဖူးေသးတယ္၊ လင္း တဲ့။ သိပ္ေအးေဆးၿပီး ႏူးညံ့သိမ္ေမြ႕တယ္၊ တို႔ေတြ သိပ္သေဘာက်တယ္ ”

အန္တီႀကီးက တစ္ခန္းဝင္ တစ္ခန္းထြက္ မိတ္ဆက္ေပးေနရင္းက ေျပာျပသည္။ သို႔ေသာ္္ သူေျပာေသာ လင္း ကို မေတြ႕ရလို႔ ေမးၾကည့္ေတာ့ လင္းက ေဆာက္လုပ္ေရး လုပ္ငန္းခြင္ထဲေရာက္ေနသည္ တဲ့။ လင္း ရဲ႕ ေနရာကို ေမးထားလိုက္ၿပီး ေနာက္မွ မ်ဳိး ကိုယ္တိုင္သြားၿပီး မိတ္ဆက္လိုက္ပါ့မယ္ ဟု ေျပာလိုက္သည္။ လင္း ကိုလည္း စိတ္ထဲမွ ေက်းဇူးတင္မိသည္။ ျမန္မာလူမ်ဳိးအျဖစ္ အရင္ဆံုးေရာက္လာခဲ့ၿပီး စံထားႏိုင္ေအာင္ ျပဳမူေနထိုင္ေပးခဲ့လို႔ ျဖစ္သည္။ လင္း ကိုေတြ႕ရေတာ့ မ်ဳိး ထင္ထားတာထက္ပင္ ေအးေဆးလွသည္။ စကားလည္း လိုအပ္တာထက္ ပိုမေျပာတတ္။

မ်ဳိး ေရာက္ၿပီး ေျခာက္လေလာက္ အၾကာမွာေတာ့ ျမန္မာဝန္ထမ္းမ်ားလာခဲ့ၿပီ။ စာရင္းကိုင္ဌာနမွာပင္ ျမန္မာမေလးခန္႔လိုက္လို႔ မ်ဳိး အေဖာ္ရေနၿပီ။ ခင္သႏာၱ တဲ့။ မ်ဳိးက ခင္သႏာၱလို႔ေခၚေပမယ့္ တျခားသူေတြက ခင္ လို႔ပဲ ေခၚၾကသည္။ ခင္သႏာၱသည္ သူတို႔အတြက္ေတာ့ ေခၚရခက္ကာ ခင္တာတာတို႕ ခင္တန္ဒါ တို႔ ျဖစ္ကုန္ေတာ့သည္။ ခင္ ကိုေတာင္မွ တစ္ခါတစ္ေလ ကင္မ္ ျဖစ္ခ်င္ေသးသည္။

မ်ဳိး တို႔ ျမန္မာတစ္စုေတြ႕လိုက္ရင္ စလိုက္ေနာက္လိုက္နဲ႔ ျမန္မာသံေတြ ညံေနတတ္ေပမယ့္ လင္း ကေတာ့ အရင္အတိုင္း ေမးတစ္ခြန္း ေျဖတစ္ခြန္း နဲ႔ ၿပံဳးၿပံဳးေအးေအးေလးပဲ။ တစ္ေန႔ မ်ဳိးတို႔ရွိရာ အေပၚထပ္သို႔ လင္း ေရာက္လာသည္။ မ်ဳိးတို႔ဆီသို႔ လာျခင္းေတာ့ မဟုတ္။ စာရင္းကိုင္ဌာနကို ျဖတ္လို႔ ဝန္ထမ္းေရးရာ အခန္းသို႔ သြားျခင္းသာ။ ခဏေနျပန္ထြက္လာၿပီး ခင္သႏာၱ႕ ေရွ႕နားအေရာက္မွာ လင္းသည္ ၿပံဳးစိစိျဖစ္သြားသည္။ အဲဒါကို သတိထားမိလို႔ ႏွစ္ေယာက္သားေမးေတာ့ လင္း က ဟင့္အင္း ဘာမွမဟုတ္ပါဘူး ဟုဆိုသည္။ သို႔ေသာ္ ေအာက္ထပ္သို႔ ျပန္ဆင္းသြားေသာ သူ႔မ်က္ႏွာက ရယ္ခ်င္တာကို မနည္းေအာင့္ထားရတဲ့ မ်က္ႏွာမ်ဳိး။ မ်ဳိးတို႔ႏွစ္ေယာက္ ပေဟဠိျဖစ္ကာ က်န္ခဲ့ၾကသည္။

လင္း ထြက္သြားၿပီး သိပ္မၾကာလိုက္ ဝန္ထမ္းေရးရာ အခန္းမွ အန္တီႀကီး ထြက္လာသည္။ သန္႔စင္ခန္းသို႔ သြားရန္ထြက္လာျခင္း ျဖစ္ၿပီး ခင္သႏာၱ႕ကို ျမင္ေတာ့ အရယ္သန္ေသာ အန္တီႀကီးသည္ တခစ္ခစ္ ရယ္ပါေလေတာ့သည္။ မ်ဳိးတို႔ ဝိုင္းေမးၾကေတာ့ သူက ေအး ငါလည္း ေျပာခ်င္လို႔ထြက္လာတာတဲ့။

လင္း က အိမ္ေျပာင္းလို႔ လိပ္စာေျပာင္းေၾကာင္း လာေျပာတာ။

“ လင္း မင္း သိလား သူေဌးမွာ ဝန္းထမ္းေတြေနဖို႔ ေပးထားတဲ့တိုက္ခန္းတစ္ခန္း ရွိတာ ” 

“ ဟင့္အင္း ”

“ အခု တစ္ေယာက္ထြက္သြားလို႔ တစ္ေယာက္စာေနရာလြတ္ေနတယ္၊ မင္းေနမလား ငါ သူေဌးကို ေျပာေပးမယ္ ”

“ ဟင့္အင္း ကၽြန္ေတာ္ အခန္းငွားၿပီးသြားၿပီ ”

“ ေအာ္ ၿမိဳ တို႔လိုပဲ အခန္းငွားေနတာေပါ့ ”

“ ဟုတ္ကဲ့၊ အခု ကၽြန္ေတာ္သူတို႔ဆီကို ေျပာင္းတာေလ ”

“ ဟင္ ဟုတ္လား၊ အဲဒါဆို ခင္ ကေရာ ”

“ ခင္နဲ႔လည္း တူတူပဲ၊ ခင္က ကၽြန္ေတာ္နဲ႔ တစ္ခန္းတည္းေနတာ ”

လင္း စကားသည္ အန္တီႀကီးအား အႀကီးအက်ယ္ အံ့အားသင့္ေစေတာ့သည္။

“ လင္း  မင္းေျပာေတာ့ မင္းက အိမ္ေထာင္ရွိတယ္ဆို ”

“ ဟုတ္တယ္ေလ ”

“ အိမ္ေထာင္ရွိရက္နဲ႔ မင္းတို႔က ဒီလိုပဲ ေနၾကတာပဲလား ”

မ်က္လံုးျပဴးကာ ေမးေနေသာ အန္တီႀကီးရဲ႕ ေမးခြန္းကို လင္း နားမလည္ေတာ့။ သူ အိမ္ေထာင္ရွိတာနဲ႔ အဲဒီ့အိမ္မွာ အတူေနၾကတာ ဘာဆိုင္လို႔တုန္း။ ဘယ္လိုမွ စဥ္းစားမရ။

ေအးတိေအးစက္ လင္းကို မ်က္လံုးအျပဴးသားႏွင့္ တအံ့တၾသေငးေနေသာ အန္တီႀကီးသည္ ခဏေလးေနေတာ့ တျဖည္းျဖည္းၿပံဳးလာကာ

“ လင္း မင္းေျပာတဲ့ ခင္ က ဘယ္ ခင္ တုန္း ”

“ ခင္ ေလ ၊ ကားေမာင္းတဲ့ ခင္ ”

“ ေအာ္ ဟိဟိ ခင္ေျမာင္ ”

“ ခင္ၿမိဳင္ ”  လင္းက ျပင္ေပးသည္။

“ ဟိ … ငါက စာရင္းကိုင္ ခင္ ကို ေျပာတာ၊ ေနပါဦး  ၿမိဳ နဲ႔ လည္း တစ္အိမ္တည္းဆို ”

“ ဟုတ္ကဲ့ ကိုညိဳႏိုင္ နဲ႔လည္း တစ္အိမ္တည္းပါ ”

“ နိုး ႏိုး ငါေမးတာ ၿမိဳ  … အဲ … ညိဳႏြိဳင္ … ညိဳ … ၿမိဳ … ဟုတ္တာေပါ့ ခင္တို႔ ညိဳတို႔ နဲ႔ တစ္ခန္းတည္း ေနမွာေပါ့ ... အဟိဟိ ” 

လင္း သည္လည္း သေဘာေပါက္ကာ မရယ္ဘဲ မေနႏိုင္ေတာ့။

ေျပာရင္းေျပာရင္း သူ႔စကားသူသေဘာက်ကာ တဟိဟိရယ္ေနေသာ အန္တီႀကီးကို ၾကည့္ကာ မ်ဳိးတို႔လည္း လိုက္ရယ္ မိေတာ့သည္။ သူ႕အခန္းသို႔ ျပန္သြားကာနီးမွာ ထပ္ေျပာသြားေသးသည္။

“ နင္တို႔ တူတူေနၾကတာလို႔ ငါမွတ္ထားလိုက္ေတာ့မယ္ေနာ္ ” တဲ့။

“ ေၾသာ္ ဘဝဘဝ အမွားခံရတာေတာင္မွ လူပ်ဳိလူလြတ္ကေလးနဲ႔ မမွား၊ ကင္မ္တန္ဒါ့ ဘဝ သနားစရာေကာင္းလိုက္ ”

ခင့္ ရဲ႕ ေနာက္ဆက္တြဲ ညည္းခ်င္းေၾကာင့္ မ်ဳိးမွာ ပိုလို႔သာ ရယ္ရေတာ့သည္။

ထိုသို႕လူေတြမွားၾကၿပီး သိပ္မၾကာ ေနာက္တစ္မ်ဳိးေပၚလာကာ မ်ဳိးတို႔ၾကားမွာ စေနာက္စရာ တစ္ခုတိုးခဲ့သည္။ ဒီတစ္ခါေတာ့ ေအာက္ထပ္က မႏွင္းဆီ နဲ႔ျဖစ္သည္။ ရို႕စ္ ဆိုေသာ သူမကို မ်ဳိးတို႔ က မႏွင္းဆီ ဟု နာမည္ေပးထားၾကသည္။ သူမကေတာ့ အန္တီႀကီးလိုမဟုတ္၊ နာမည္ေတြကို ပီေအာင္ေခၚႏိုင္သည္။ သို႔ေသာ္

“ မ်ဳိး နင့္မွာ စြာလင္း ဖုန္းနံပါတ္ရွိလား ”

“ အမ္ … စြာလင္း၊ ငါ မသိဘူး၊ မရွိဘူး ”  ဒီနာမည္မ်ဳိး မ်ဳိး မၾကားဖူးပါ။ တရုတ္ တစ္ေယာက္ေယာက္ ျဖစ္မယ္ထင္သည္။

“ စြာလင္းေလဟာ နင္တို႔ ျမန္မာပဲေလ ”

“ ျမန္မာ … အဲဒီ့နာမည္ ငါမၾကားဖူးပါဘူး ”

“ စြာလင္း၊ စြာလင္း ဆိုင္ကယ္စီးၿပီးရံုးလာတဲ့တစ္ေယာက္ေလ၊ ဒီေန႔ ခြင့္ယူထားတာ ငါ့မွာ အေရးႀကီးကိစၥရွိလို႔ သူ႔ကို ဖုန္းဆက္မွျဖစ္မွာမို႔လို႔ ”

ျမန္မာထဲက ဆိုင္ကယ္စီးၿပီးရံုးလာတာ တစ္ေယာက္တည္းရွိေတာ့ မ်ဳိးမွာ အူတက္မတတ္ရယ္ကာ ဖုန္းနံပါတ္ေပးလိုက္ရသည္။ ေနာက္ေန႔ “ ကိုေက်ာ္စြာလင္း ” ကိုေမးေတာ့မွ

“ ေအးဟာ ငါ့နာမည္ ေက်ာ္ကို ဘယ္လိုမွ မေခၚတတ္ၾကဘူး၊ အဲဒါနဲ႔ သူတို႔ေခၚရလြယ္ေအာင္ လင္း လို႔ေခၚဆိုေတာ့ လင္း ႏွစ္ေယာက္ ျဖစ္သြားမယ္တဲ့၊ ေနာက္ေတာ့ ေမးတယ္ နင္တို႔နာမည္က ေရွ႕ကပဲေခၚလို႔ရတာလား ေနာက္ႏွစ္လံုးတြဲရင္ေကာတဲ့၊ ထူးဆန္းတယ္ဟ၊ ေက်ာ္ေတာ့ မေခၚတတ္ဘူး စြာေတာ့ ေခၚလို႔ရၿပီး စြာလင္း တဲ့၊ ငါလည္း ငါမွန္းကြဲကြဲျပားျပားသိ ပိုေကာင္းေသးဆိုၿပီး ေခၚဟာလို႔ ေျပာလိုက္တာ ”

ၿမိဳ တစ္ျဖစ္လဲ မ်ဳိးသည္ ထပ္ကာထပ္ကာသာ ရယ္မိေတာ့သည္။ ရယ္ရင္းနဲ႔လည္း ေတြးမိသည္။ မ်ဳိးတို႔ အားလံုးသည္ ႏိုင္ငံမတူ၊ လူမ်ဳိးမတူ၊ မွည့္ေခၚပံုမတူ၊ အသံထြက္ခ်င္းမတူေသာ လုပ္ေဖာ္ကိုင္ဖက္မ်ား၏ နာမည္မ်ားကို အမွန္ကန္ဆံုးျဖစ္ေအာင္ ႀကိဳးစားေခၚၾကသည္။ တစ္ခ်ဳိ႕ကေတာ့ ပက္ထရစ္တို႔ လိုပဲ အဂၤလိပ္နာမည္ ေပးထားၾကသည္။ ဒါေပမယ့္ မ်ဳိးတို႔ တစ္ေတြကေတာ့ ခုခ်ိန္ထိ ျမန္မာနာမည္ေလးမ်ားကို ဖက္တြယ္ထားၾကဆဲ။ ရယ္ကာေမာကာႏွင့္ ကိုယ့္နာမည္ေလးေတြ ကိုယ္ထိန္းသိမ္းထားၾကသည္။ ရို႕စ္ ကိုပင္ ျမန္မာမွဳျပဳကာ မႏွင္းဆီ ဟု နာမည္ေပးလိုက္ၾကေသးသည္။ ကဲ … ဘယ္ေလာက္ခ်စ္စရာေကာင္းတဲ့ ျမန္မာေမာင္ႏွမမ်ားပါလဲ လို႔။    ။

ရံုးမွ ခ်စ္ေသာ ေမာင္ႏွမမ်ားအတြက္ အမွတ္တရ  :)

ညိဳေလးေန

( 26.05.2013)  1:45 am

Truth & Trust ရဲ႕ဆုေတာင္း

ဒီေန႔ ျမန္မာႏွစ္ဆန္းတစ္ရက္ေန႔။ Truth & Trust ရဲ႕ ၂ ႏွစ္ျပည့္ေမြးေန႔ ။

ဘေလာ့ဂ္ေလးဖန္တီးခဲ့တဲ့ ႏွစ္ပတ္လည္ေရာက္တိုင္း စာေလးတစ္ပုဒ္ေရးမယ္လို႔ ရည္ရြယ္ထားခဲ့တယ္။ ဒါေပမယ့္ မတ္လဆန္းကတည္းက စလိုက္တဲ့ ေအာဒစ္ရယ္၊ အေမ ခဏေရာက္ေနတာရယ္၊ ခရီးတစ္ခု သြားခ်င္လို႔ web site ေတြလိုက္ၾကည့္ ေနတာရယ္ေၾကာင့္ ေရးလက္စ စာေလးေတြေတာင္ အဆံုးမသတ္ႏိုင္ခဲ့ဘူး။ စာမေရးႏိုင္ေပမယ့္ ျမန္မာႏွစ္သစ္အတြက္ ဆုေတာင္းေလးေတာ့ မပ်က္ကြက္ခ်င္ဘူး။

            " အားလံုးအတြက္ မဂၤလာရွိၿပီး ေအးခ်မ္းသာယာတဲ့ ျမန္မာ့ႏွစ္သစ္ျဖစ္ပါေစ "


ညိဳေလးေန