တီအိုမန်က ပြန်ခဲ့တယ် ( ၂ )

တနေကုန် ကားစီး ၊ သင်္ဘောစီးပြီး ဗိုက်ဆာလာကြတဲ့ ၃ ယောက်သားဟာ နောက်နေ့လည်ဖို့ပတ်ဖို့ မစဉ်းစားနိုင်သေးဘဲ အခန်းမှာခဏနားပြီး ဗိုက်ဖြည့်ဖို့ပဲ ဦးစားပေးလိုက်ကြတယ်။

အသီးမှ အသီးစစ်စစ်၊ ၃ ခုလုံး ချဉ်တူးနေတာပဲ  :D

အာလူးကြော်၊ ပုဇွန်ကင်နဲ့ အပေါ်ကသင်္ဘောသီးသုတ်ဟာ တစ်ယောက်စာအတွက် အနေတော်ပါပဲ

Beef ဘာဆိုလား မမှတ်မိတော့ဘူး

ပစ္စည်းတွေထား ခဏနားပြီး အပန်းဖြေစခန်းရဲ့ စားသောက်ခန်းမမှာ နေ့လည်စာစားတော့ ၃ နာရီထိုးပြီ။ ပုဇွန်ကင်၊ အမဲသား ဆိုပြီး တစ်ယောာက်တစ်မျိုးမှာပြီးချိန်မှာ မြန်မာကြက်သားဟင်း ဆိုပြီးတွေ့တဲ့အခါ မှာစားမိကြတယ်။ Facebook ပေါ်မှာ အင်္ဂလန်က မြန်မာနိုင်ငံသား စားဖိုမှူးက မြန်မာကြက်သားဟင်းကို ဟိုတယ်တွေရဲ့စားသောက်ဖွယ် စာရင်းမှာ ပါလာနိုင်အောင် ကြိုးစားခဲ့တယ်ဆိုတာလည်း ဖတ်ထားတာမှ မကြာသေးတာကိုး။ အုန်းနို့အနည်းငယ်ပါတာကလွဲပြီး မြန်မာကြက်သားဆီပြန်အတိုင်းပါပဲ။ သုံးမျိုးလုံး လက်ရာသိပ်ကောင်းပါတယ်။

ဗိုက်ပြည့်လို့ကျေနပ်သွားတဲ့ ၃ ယောက်ဟာ အခန်းကိုပြန်ကြတယ်။ ခရီးကို စစီစဉ်တုန်းက ၆ ယောက်မို့ Superior Room Triple Sharing ၂ ခန်းယူထားခဲ့ကြတာပါ။

ရောက်စက ဟိုအခန်းကထွက် ဒီအခန်းကိုဝင် နေကြရာက အတွင်းတံခါးနဲ့ဆက်ထားတဲ့ အခန်းကျယ် ၂ ခန်း မှန်းသိတဲ့အခါ ဟိုဘက်ဒီဘက် အော်ပြောလိုက်၊ အခန်းကူးပြီး စပ်စုလိုက်နဲ့ အူမြူးကြပြန်တယ်။ ဒါပေမယ့် အဲဒါလေးက ကြာကြာမခံလိုက်ပါဘူး ။ ခဏနားပြီး Activity Services Center ကိုဖုန်းခေါ်တဲ့အခါ နောက်တနေ့အတွက် ဘယ် Activity ကိုမှ စာရင်းပေးလို့ မရတော့ပါဘူး။ ခရီးစဉ်မှာ ပါပြီးသားဖြစ်တဲ့ Snorkeling at Renggis Island ဆိုတာကလည်း ညနေ ၄ နာရီ ဆိုပိတ်ပြီမို့ ဒီနေ့အဖို့ နာရီဝက်နဲ့ ဘယ်လိုမှ မမှီတော့ပါဘူး။

အခုမှရောက်တယ် အခုပဲဘာမှလုပ်မရတော့ဘူး ဆိုတော့တော်တော်လေးစိတ်ပျက်သွားကြပြန်ပါရော။ အဲဒါနဲ့ Spa ပဲသွားကြတာပေါ့ဆိုပြီး ဖုန်းဆက်တဲ့အခါမှာ ဒီညနေလည်းမရှိ၊ နောက်နေ့ညနေလည်းမရှိ၊ နောက်နေ့မနက်ပိုင်းအတွက်ပဲအချိန်ရှိပါတော့သတဲ့။ မနက်စာစားပြီး Spa ကိုသွားရမှာဟာ တော်တော်အူကြောင်ကြောင်နိုင်လှပါတယ်။ ဘာလို့ဒီလောက်တောင် အချိန်တွေမပေးနိုင်၊ လူတွေပြည့်နေရတာလဲလို့ မေးကြည့်ကြတော့မှ အဖြေတွေ့ပါတော့တယ်။ ကုမ္ပဏီတစ်ခုရဲ့ ဝန်ထမ်းတွေအပန်းဖြေခရီးစဉ်ကြောင့် ဒီနေ့ပဲ အယောက် ၂၀၀ ကျော်ရောက်လာတာမို့ပါတဲ့။ ၃ ယောက်သားဟာ ကမ်းစပ်မှာပဲ တနေကုန်ရေကူးနေရတော့မလို၊ Renggis ကျွန်းမှာပဲ တနေကုန်ရမလိုဖြစ်ပြီး ပြန်ငြိမ်သွားကြပါတော့တယ်။

ဒီခရီးစဉ်ကို စစီစဉ်ကတည်းက စိတ်ဓါတ်တွေဟာ တက်လိုက်ကျလိုက်ပါပဲ။ ပျက်မလိုဖြစ်ပြီးမှ ရောက်အောင်လာကြတဲ့ သူတွေမို့ ကြာကြာတော့ မငြိမ်သွားကြပါဘူး။ ဘာမှဆော့မရလည်း ဒီလောက်အေးဆေးတဲ့ ကမ်းခြေက အခန်းကျယ်ကြီးထဲမှာ တနေကုန် အိပ်ရာပေါ်နှပ်ကြတာပေါ့လို့ သဘောတူဆုံးဖြတ်ပြီး စပ်ဖြဲဖြဲ ပြန်ဖြစ်လာကြတယ်။ စလုံးမှာ သိပ်မှမအိပ်ကြတာ။ ဒီမှာ အဝ အိပ်ရလည်း မဆိုးပါဘူး။ အဲဒီ့နောက်တော့ စိတ်ကူးထားကြတဲ့အထဲမှာ မပါတဲ့ နောက်ဆုံးလုပ်လို့ရတာ တစ်ခုဖြစ်တဲ့ စက်ဘီးဘက်လှည့်ကြတယ်။ ကံကောင်းကြလေစွ။ စက်ဘီးတွေတော့ ကုန်အောင်ငှားမသွားကြသေးဘူး။

ညနေ ၅ နာရီခွဲလောက်မှာ စက်ဘီးစီးဖို့ ထွက်လာခဲ့ကြတဲ့အခါ ကံဇာတာတွေ တက်လာကြပြန်တယ်။Resort Activity Services Center က သဘောကောင်းတဲ့ဦးလေးကြီးက သူတို့ဝန်ဆောင်ပေးတဲ့ Snorkeling Trip နဲ့ တောတွင်းလမ်းလျှောက်ခရီးတွေ လူပြည့်သွားပေမယ့် အပြင်က ဝန်ဆောင်မှု တစ်ခုက သွားရင်တော့ ရနိုင်ကြောင်း ပြောပြပါတယ်။ ခရီးသွားကုမ္ပဏီက ဝယ်ထားတာမှာ Renggis Island ပါပြီးသားမို့သူတို့နဲ့ သွားရင် ရင်းဂစ် ၉၀ ပဲ ထပ်ပေးရပြီး နေ့လည်စာပါ ပါမှာပါ။ အပြင်က ဝန်ဆောင်မှုနဲ့သွားရင် ရင်းဂစ် ၁၂၀ ပေးရပြီး နေ့လည်စာဝယ်စားရမယ်လို့ ဆိုပါတယ်။ ဝမ်းသာအားရနဲ့ ၃ ယောက်စာ စရံပေးခဲ့ပြီး စက်ဘီးစီးထွက်ကြချိန်မှာတော့ ပျော်စရာတွေ အပြည့်ဖြစ်သွားပြီ။

Package မှာ ပါပြီးဖြစ်တဲ့ Renggis Island က ကမ်းခြေနဲ့ ငါးမိနစ်လောက်ပဲ သွားရတဲ့ အကွာအဝေးမှာရှိပါတယ်။ Package အရ အဲဒီ့မှာဘယ်လောက်ကြာကြာနေလို့ရလဲဆိုတော့ ညနေ ၄ နာရီအထိကြိုက်သလောက်နေတဲ့။ ဒါပေမယ့် သူပြောတဲ့ကြိုက်သလောက်နေဆိုတာ ကျွန်းပေါ်မှာမဟုတ်ဘဲ ရေထဲမှာဆိုတာ နောက်နေ့မှ သိရတယ် :D

Renggis Island ဘက်က လှမ်းမြင်ရတဲ့ Golf Club အဆောက်အဦ

ဂေါက်ကွင်းထဲက မျောက်တစ်သင်း 

Tioman ကျွန်းဟာ ပေပေါင်း ၃၄၀၀ မြင့်တဲ့ Gunung Kajang တောင်အပါအဝင် တောင်တွေအများကြီးရှိပါတယ်။ တောင်တွေ ပင်လယ်ကြားမှာရှိတဲ့ ကမ်းခြေမြေပြန့်သိပ်မကျယ်တာ ခရီးစဉ်တလျှောက်သတိထားမိပါတယ်။ Berjaya ကမ်းခြေအပန်းဖြေစခန်းကတော့ Tioman မှာအကြီးဆုံးဖြစ်ပြီး သဲသောင်ကမ်းခြေ တော်တော်လေး ရှည်ပါတယ်။ စက်ဘီးစီးတာ သဲသောင်မှာမဟုတ်ပါဘူး။ အပန်းဖြေစခန်းအတွင်းလမ်းကနေ စခန်းပရဝုဏ်ကျော်ပြီး ဂေါက်ကွင်းနဲ့ ဆက်သွားတဲ့ လမ်းတလျှောက်ပါ။ တောင်တန်းတဘက် နဲ့ ကမ်းခြေတဘက်နဲ့ ကားအသွားအလာ မရှိသလောက်နဲတဲ့ လမ်းကလေးမှာ စက်ဘီးစီးရတဲ့ ညနေခင်းလေးက သာယာလှပါတယ်။ ဆိုင်ကယ်သံကြားတိုင်း စက်ဘီးပေါ်က ခုန်ဆင်းမိတာက လွဲလို့ပေါ့လေ :D

လူမပါတဲ့ ရှုခင်းပုံပျောက်သွားလို့ သည်းခံကြပါ  :D

စက်ဘီးတွေပြန်အပ်ပြီးတဲ့နောက် ဘူဖေးညစာ။ အနောက်တိုင်းအစားအစာ၊ တရုတ်စာ၊ မလေးရှား အစားအစာတွေ အစုံအလင်ပါ ပါတယ်။ စားပြီးတဲ့အခါ နေကြာစေ့ထုပ်၊ အချဉ်ထုပ်တွေ အခန်းမှာ ပြန်ယူ၊ ကမ်းခြေအုန်းပင်တွေအောက် ခုံတွေပေါ်က ဆိုဖာအခင်းတွေသွား မ ၊ မီးရောင်မရှိတဲ့ ကမ်းစပ်သဲသောင်မှာခင်းပြီး ကြယ်တွေကြည့်ကြတယ်။ 

Berjaya မှာ Receciption Lounge နဲ့ စားသောက်ခန်းမ ကလွဲရင် Wifi မရပါဘူး။ တယ်လီဖုန်း Roaming လည်း ဖွင့်မထားကြတဲ့အခါ ကိုယ်တွေဟာ သက်ရှိပကတိလောကကြီးထဲကို ပြန်ရောက်သွားကြတယ်။ အဲဒီ့အချိန်မှာ ဒီ ၃ ယောက်အပြင် (စိတ်ထဲကသတိရနေရင်တောင်) အလေးထားစရာ တခြားသူမရှိကြဘူး။ အဲဒီ့နားမှာ လှိုင်းပုတ်သံတွေရဲ့ သဘာဝဂီတပဲ ရှိတယ်။ အဲဒီ့ညမှာ လနဲ့အပြိုင်လင်းနေတဲ့ ကြယ်လေးတွေပဲရှိတယ်။

အောက်ထပ်က အခန်းမှာ ၂ ညတာ

သေသေချာချာ သတိထားလိုက်မိတာကတော့ Online ၊ Internet ၊
Facebook ဆိုတာတွေနဲ့ ဝေးကွာသွားချိန်၊ TV ဆိုတာကို မေ့ထားလိုက်ချိန်မှာ အနီးကပ်ရှိနေတဲ့ သက်ရှိလူသား ၃ ယောက်ဟာ ပိုမိုနီးကပ်နွေးထွေးသွားတာပါပဲ။

ဆက်ပါဦးမည် .... 

တီအိုမန်က ပြန်ခဲ့တယ် ( ၁ )

ဒီခရီးစဉ်က စီစဉ်တုန်းက ၁၂ ယောက်လောက်သွားမယ့် ခရီး။ လက်မှတ်ဝယ်ဖြစ်ချိန်မှာ ၆ ယောက်ဖြစ်သွားပြီး တကယ်သွားရမယ့် အခါကျ ၃ ယောက်ပဲကျန်တော့တယ်။ အချိန်ပြောင်းလို့လည်း မရတဲ့ ဒီခရီးကို စိတ်သိပ်မပါကြတော့ဘဲ ဖျက်ပြစ်ဖို့ တွေးမိကြပေမယ့် ခရီးစရိတ် ၆ ယောက်စာ အဆုံးမခံချင်ကြတဲ့အဆုံး သွားမယ့်သွား သုံးယောက်ထဲလည်း ပျော်ပျော်ပဲသွားဖို့ ဆုံးဖြတ်လိုက်ကြတယ်။

Nweton Hawker Center ဘေးက ကားဝင်းကနေ မနက် ၆ နာရီထွက်မှာမို့ အဲဒီ့ကို မနက်အစောကြီး ၅ နာရီ ၁၅ ရောက်အောင်သွားရတယ်။ စလုံးဘက်ခြမ်းက ခရီးသွားကုမ္ပဏီက စလုံးအထွက် အထိ ပို့ပေးပြီး မလေးရှားဘက်အရောက်မှာ ကားပြောင်းစီးရပါတယ်။ Good Friday နဲ့ သုံးရက်ဆက်ပိတ်တာမို့ စင်္ကာပူနဲ့မလေးရှား အဝင်အထွက် လူများလှပါတယ်။ စလုံးဘက်ရော မလေးဘက်ရော အဝင်အထွက်စစ်ဖို့ ကောင်တာတွေ အများကြီးထားပေးတာတောင်မှ လူတန်းတွေက အရှည်ကြီးတွေချည့်ပါပဲ။

မလေးရှားဘက် အဝင်မှာ လာစောင့်နေတဲ့ ကားပြောင်းပြီးတဲ့အခါ Mersing ဆိုတဲ့ မလေးရှားနိုင်ငံ အရှေဆိပ်ကမ်းမြို့လေးကိုပို့ပေးပါတယ်။ ဂျိုဟိုး ကနေ ၂ နာရီခွဲ ၃ နာရီ နီးပါးကားစီးရတဲ့ ခရီးဟာ အလွန်ပျင်းစရာကောင်းပါတယ်။ ကားပေါ်အိပ်တတ်တဲ့သူတွေအတွက် အဆင်ပြေပေမယ့် တော်ရုံတန်ရုံ အိပ်မပျော်တတ်တဲ့ ကိုယ့်အတွက် ဆီအုန်းနဲ့ ရာဘာပဲတွေပဲရှိတဲ့ လမ်းဟာ ငြီးငွေ့စရာ။ ခရီးသွားလမ်းညွှန်အမျိုးသမီးကလည်း ၃ နာရီလောက် ကားစီးရမှာမို့ ကားမထွက်ခင် အိမ်သာသွားထားကြပါလို့ သတိပေးစကားတစ်ခွန်းအပြင် နောက်ထပ်စကားမဆိုတော့တာ မားဆင်း ရောက်တဲ့အထိပါပဲ။

မနက် ၈ နာရီ လောက်ဂျိုဟိုးကနေ ထွက်ခဲ့တာ ၁၀ နာရီခွဲ ဝန်းကျင်မှာ မားဆင်းကို ရောက်ပါတယ်။ ခရီးသွားကုမ္ပဏီနဲ့ ချိတ်ဆက်ထားတဲ့ သင်္ဘောလက်မှတ်ရောင်းတဲ့နေရာမှာ အသွားအပြန်လက်မှတ်တွေထုတ်ယူပြီးတဲ့အခါ နိုင်ငံခြားသား ခရီးသည်အားလုံးရဲ့ ပတ်စ်ပို့ စာအုပ်တွေမှတ်တမ်းရေးထားတဲ့နေရာမှာ စာရင်းပေးရပါတယ်။ အသွားရော အပြန်ပါ မှတ်တမ်းရေးရတဲ့ အဲဒီ့စနစ်လေးက ခရီးသွားလာမှု လုံခြုံရေးအတွက် သဘောကျစရာပါ။ ခရီးသွားကုမ္ပဏီကို ခရီးစဉ်အစအဆုံးအတွက် ငွေချေပြီးသားမို့ သင်္ဘောအတွက် လက်မှတ်ခ ထပ်မပေးရပေမယ့် အဲဒီ့မှတ်တမ်းရေးတဲ့နေရာမှာတော့ တစ်ယောက်ကို ရင်းဂစ် ၂၀ စီ ပေးရပါတယ်။

မားဆင်း ဆိပ်ကမ်း အနီး

ရှပ်ပြေးကို ၁၁ နာရီမှာ စီးရမှာဆိုတော့ ထမင်းစားဖို့အချိန်မရှိတော့ပါဘူး။ သင်္ဘောကို စောင့်နေတုန်း ဥာဏ်အမြှော်အမြင်ကြီးမားစွာနဲ့ ထည့်ယူလာတဲ့ ထမင်းတစ်ဗူးနဲ့ လက်ဖက်သုတ်ကိုပဲ တစ်ယောက်တစ်လုတ် ဝိုင်းလို့အုပ်ကြတယ်။ တော်ပါသေးတယ်။ စလုံးလို ဟိုနေရာမစားရ ဒီနေရာမသောက်ရ သာဆိုရင်တော့ ငတ်မှာပါပဲ :D

တီအိုမန် ဆိုတဲ့ ကျွန်းလေးဟာ မလေးရှားနိုင်ငံအရှေ့ဘက်ကမ်းခြေကနေ မိုင် ၂၀ ခန့် အကွာအဝေးမှာ ရှိတဲ့ ကျွန်းပါ။ ကျွန်းကိုသွားဖို့ မားဆင်းမြို့ လေးကနေ ရှပ်ပြေးသင်္ဘော ၁ နာရီခွဲခန့် စီးရပါတယ်။ ကမ္ဘာလှည့် ခရီးသည်တွေအတွက်ဖွင့်လှစ်ထားတဲ့ အပန်းဖြေစခန်းတွေက ရွာပေါင်း ၈ ရွာလောက် တည်ရှိနေတဲ့ တီအိုမန်ကျွန်းရဲ့ အဓိကလုပ်ငန်းပါပဲ။

ကိုယ်တို့ ၃ ယောက်ရဲ့ ခရီးက အခုမှ စ တာပါ။ ကားပေါ်မှာ အိပ်ရေးဝလာတဲ့ ၂ ယောက်နဲ့ ကိုယ်ဟာ ဟိုဘက်ကြည့်လည်းရေ၊ ဒီဘက်ကြည့်လည်း ရေ ဖြစ်နေတဲ့ ပင်လယ်ပြင်ထဲက ရှပ်ပြေးပေါ်မှာ မကြောက်ချင်ယောင်ဆောင်ပြီး အဆက်မပြတ်စကားတွေ ပြောလာလိုက်တာ ကျွန်းနားရောက်ခါ နီး အထိပါပဲ။

အသွားမှာစီးရတဲ့ ရှပ်ပြေးဟာ မားဆင်းကအနီးဆုံးဖြစ်တဲ့ ကျွန်းရဲ့တောင်ဘက်ကို အရင်ရောက်ပေမယ့် ကမ်းမကပ်ဘဲမြောက်ဘက်ဆုံး ဆိပ်ခံအထိ ဆက်မောင်းပါတယ်။ အဲဒီတော့ တောင်ကနေမြောက်အထိ ကမ်းခြေတလျှောက်က ရှုခင်းတွေကို တမေ့တမောကြည့်ရတော့တာပေါ့။ တောင်မြင့်မြင့်တွေ ရှိနေတဲ့ တီအိုမန်ကျွန်းဟာ သဲသောင်ကမ်းခြေထက် ကျောက်ဆောင်ကမ်းပါးတွေ ပိုများပြီး သိပ်ကိုလှပါတယ်။ ပင်လယ်ရေပြာပြာ မမြင်ဖူးသေးတဲ့ ကိုယ့်အတွက် ကမ်းစပ်နားအထိကြည်လင်စိမ်းပြာနေတဲ့ရေနဲ့ ကျောက်ဆောင်တွေက ကြည့်လို့ မဝအောင်ပါပဲ။

Tekek ဆိပ်ကမ်းရုံး

ဆိပ်ကမ်းရုံးနဲ့ ကားလမ်းမ ကြားက တူးမြောင်း

မြောက်ဘက်ဆုံးက Salang ဆိပ်ခံကို အရင်သွားလိုက်တဲ့အတွက် ကိုယ်တို့ ဆင်းရမယ့် Tekek ကို ၁ နာရီခွဲမှ ရောက်ပါတယ်။ Tekek က တီအိုမန်ရဲ့ အကြီးဆုံးရွာဖြစ်ပြီး ဆိပ်ကမ်းတဝိုက်မှာ ရဲစခန်း၊ ဝန်ထမ်းအိမ်ရာ တွေနဲ့စည်ကားပါတယ်။ အဲဒီ့ကနေ တည်းခိုမယ့် Berjaya Tioman Resort ကို ၁ နာရီ တစ်ခါ ပြေးဆွဲပေးတဲ့ အခမဲ့ကားတွေရှိပါတယ်။ ဆာလောင်နေတဲ့ ၃ ယောက်သားဟာ နေပူလွန်းလို့ ဓါတ်ပုံရိုက်ချင်စိတ်လည်း မရှိဘဲ ကားပေါ်မှာပဲ ထိုင်စောင့်နေခဲ့ကြတယ်။ ဒါပေမယ့် ၁၅ မိနစ်လောက် စီးရတဲ့ ကမ်းခြေက တောင်ပတ်လမ်းလေးကို ရောက်တော့ ၃ ယောက်လုံး ပြန်ပြီးတက်ကြွလာကြတယ်။ လမ်းလေးက သိပ်သာယာတာကိုး :)

Resort ကိုရောက်လို့ check in လုပ်ပြီး အခန်းမှာ နားချိန်ရတဲ့အခါ ညနေ ၃ နာရီ ထိုးခါ နီးပါပြီ။

ဆက်ပါဦးမည် ......

ရေထဲက ကြယ်တစ်စင်းသို့

ရုံးသွားနေကြတယ်
မို့ အစ်တဲ့ မျက်လုံးတွေနဲ့

အလုပ်လုပ်နေကြတယ်
ဆို့နစ်တဲ့ နှလုံးသားတွေနဲ့

တစ်ယောက်ကိုတစ်ယောက်ကြည့်တယ်
စကားလုံးတွေကင်းမဲ့

အသက်က ခပ်ငယ်ငယ်
စိတ်က ကြီးမြတ်သတဲ့

ဆုံးရှုံးမှုအားကြီးတယ်
တိုင်းပြည်အတွက်ရောကွဲ့

ပေးဆပ်နိုင်လွန်းတယ်
မေတ္တာတွေအပြည့်နဲ့

တရားမရှိသေးဘူးကွယ်
16.08.2015 ညနေခင်းကို မုန်းခဲ့

မယ်ညို
17.08.2015 ( 7:25 am )

တစ်ခါမှ စကားမပြောခဲ့၊မရင်းနှီးခဲ့ဖူးသူအတွက် တစ်ခါမှမကျဖူးတဲ့မျက်ရည်တွေနဲ့ ရေးမိပါတယ်။ 
ဘဝဆက်တိုင်း ဒီအဖြစ်မျိုးနဲ့ ဝေးပါစေ
အေးချမ်းသာယာတဲ့ ဘဝမှာ နားခိုနိုင်ပါစေ 

ဒီတစ်နေ့တော့ ...

ဒီမနက် ..... အပြင်မှာမှောင်နေသေးပေမယ့် ကျွန်မအစောကြီးနိုးနေခဲ့တယ်။ နှိုးစက်နာရီ သုံးလေ့မရှိလောက်အောင်ကို စောစောနိုးတတ်တဲ့သူက ဒီနေ့မှာတော့ ပိုလို့ကိုစောကာ နိုးနေတာ။ မမြင်နိုင်တဲ့ မသိစိတ်ရဲ့ ဆန်းကြယ်တဲ့ တွန်းအားတစ်ခုကြောင့်ပေါ့။

နံနက်ခင်း ဘုရားဝတ်ပြုချိန်မှာ လုပ်မြဲအတိုင်း ပန်း၊ ရေချမ်း၊ သစ်သီး ကပ်လှူပေးမယ်၊ ဆုတွေတသီကြီး တောင်းပေးနေမယ်ဆိုတာ အနားမှာ ရှိမနေပေမယ့် မောင်သိနေမှာပါ။ မေတ္တာပို့ခြင်း ဆိုတာကတော့ တစ်နေ့မပြတ်ပြုနေကြမို့ မောင့် နှလုံးသားက မေတ္တာတရားတွေနဲ့အတူ အေးချမ်းနေမယ်ဆိုတာ ကျွန်မ ယုံကြည်ထားတယ်လေ။

မေတ္တာ ......

တကယ်ပါ .....

ကျွန်မတို့နှစ်ယောက် ဝေးကွာသွားရခြင်းမှာ အမုန်းတွေမပါ၊ အာဃာတ တွေမပါခဲ့ဘူးနော်။ မောင့်ကို ဘယ်တုန်းကမှ မေတ္တာမပျက်ခဲ့သလို မောင့်ရဲ့မေတ္တာတွေလည်း ကျွန်မရရှိခဲ့၊ ရရှိနေမြဲလို့ ခံစားနေရဆဲပါပဲ။

စောစောနိုးတဲ့အကျိုးနဲ့ ရုံးမသွားခင်အချိန်လေးမှာ နံနက်ခင်းနေရောင်ခြည်အောက်က စံပါယ်ပင်လေးနား နေခွင့်လည်း ပိုရခဲ့တယ်။ ဂန္ဓမာခင်းကြီး စိုက်ချင်ခဲ့တဲ့ကျွန်မကို အခြေအနေအရပ်ရပ်ကြောင့် အခွင့်မသာချိန်မှာ စံပါယ်ပင်လေးတစ်ပင်နဲ့ နှစ်သိမ့်စေခဲ့တာလည်း မောင်ပါပဲ။

အေးချမ်းနေတဲ့စိတ်ကြောင့် စနေနေ့ပေမယ့် ဒီနေ့ အလုပ်လုပ်ရတာ ကြည်လင်တက်ကြွလို့။ ညနေ အလုပ်ဆင်းချိန် အိမ်အပြန်လမ်းမှာတော့ လမင်းက ကောင်းကင်ပေါ်မှာ ကိုယ်ရောင်ဖျောက်ပြီး တိတ်တိတ်လေးရောက်နေခဲ့ပြီ။ ညနေစောင်းကတည်းက လ ကိုမြင်နေရပေမယ့် ညခုနှစ်နာရီလောက်အထိ မမှောင်တတ်တဲ့ ကျွန်မနေတဲ့ ကျွန်းလေးဆီကို နေအစောကြီးဝင်တတ်ရာ မောင်နေထိုင်ရာဆီက ဖုန်းလှမ်းဆက်တတ်တဲ့ အချိန်တွေကို သတိရမိနေတတ်သေးတာတော့ ကျွန်မဇွတ်မငြင်းချင်ပါဘူးမောင်။

ဒီလိုနဲ့ အိမ်ပြန်ရောက်တော့ သီချင်းလေးတစ်ပုဒ် ဖွင့်မိသွားသေးတယ်။ လေးဖြူရဲ့ " ငါ့ရဲ့လမင်း " ။ မှတ်မိတယ် မဟုတ်လား။ အဲ့ဒီ့သီချင်းခွေထွက်ခါစက မြန်မာပြည်ရဲ့ အဝေးမှာရောက်နေတဲ့ ကျွန်မကို နောက်ထပ် အဝေးတစ်နေရာကနေ ဒီသီချင်းလေး မောင်ပို့ပေးခဲ့တာ။ သီချင်းလေးကို ကျွန်မသိပ်ကြိုက်တယ်။ နားထောင်မိတိုင်းလည်း ပြုံးမိတယ်။ " နင်ဟာလမ်းပြကြယ်၊ နင်ဟာ ငါ့ရဲ့ နတ်သမီး " တဲ့။ တကယ်တမ်းတော့ သီချင်းစာသားတွေနဲ့ ဆန့်ကျင်စွာ မောင်က စိတ်ဓါတ်အလွန်ခိုင်မာတဲ့သူ။ ဘဝကို အရှုံးပေးဖို့ နေနေသာသာ ဘယ်လောက် အခက်အခဲတွေ တွေ့တွေ့ ညည်းညူတဲ့ စကားတစ်ခွန်း မပြောတတ်တဲ့သူ။ မိန်းကလေးပီပီ ပျော့နွဲချင်တတ်တဲ့ ကျွန်မကိုသာ အမြဲတမ်း အားပေးခဲ့တဲ့သူ။ ကျွန်မရဲ့ စိတ်ပျက်အားငယ် တတ်တဲ့အကျင့်ကို အပြီးတိုင် ဖျောက်ဖျက်ပေးခဲ့သူ။ မောင်က ကျွန်မ ဆိုညည်းဖို့ အတွက်များ ပို့လိုက်လေသလားလို့ တွေးပြီး အမြဲပြုံးမိတာ။ ဒါပေမယ့် မောင့်ကို ကျွန်မက လ တစ်စင်းလို့တော့ မဆိုညွှန်းလိုဘူး။ မောင့်ရဲ့ မေတ္တာတရားက လရောင်လို အေးချမ်းပေမယ့် မောင်က ကိုယ်ပိုင်အလင်းမရှိသူမှ မဟုတ်တာနော်။

အိုးးး ..... " နော် " ဆိုတဲ့ စကားလုံးလေးကို ကျွန်မ သုံးလိုက်မိတာပဲ။ စကားပြောရင် " နော် " ဆိုပြီးထည့်ပြောတတ်တဲ့ ကျွန်မက " naw is only for me naw " လို့ ပြောခဲ့တဲ့မောင်နဲ့ မဆုံဖြစ်တော့တဲ့ နောက်ပိုင်း ဒီစကားလုံးလေးကို စွန့်လွှတ်ထားခဲ့တာကြာပြီပေါ့။ အခုချိန်မှာ ဒီစကားလုံးလေးအတွက် မောင် ကန့်သတ်တော့မှာ မဟုတ်ဘူးဆိုတာ သေချာပေမယ့် ကျွန်မ ဘယ်တော့မှ အသုံးမပြုတော့တာကို မောင် သိမယ်မထင်ပါဘူး။ 

ညဘက် ဆီမီးပူဇော် အပြီး တိုက်အောက်ကိုဆင်းခဲ့မိတယ်။ ပုဏ္ဍရိတ်ပင်တန်းတွေကြား လမ်းလျှောက်ရင်း၊ လမင်းကြီးကို မျှော်ကြည့်ရင်းပေါ့။ ဒီနေ့တစ်နေ့တော့ မောင့်ကိုသတိရမိခြင်းတွေကို ဟန်ဆောင် တားဆီး မထားချင်တော့ပါဘူး။ မောင်ကရော ... ။ ကျွန်မမွေးနေ့ရောက်တိုင်း၊ နှစ်သစ်ကူးညတွေ ရောက်တိုင်း အချိန်ပြည့်မဟုတ်တောင် ခဏလေးတော့ ကျွန်မကို သတိရမိမှာ မဟုတ်လားလို့ မေးရင် ဝန်မခံချင်တဲ့မျက်နှာပေးနဲ့ ဘာမှပြန်မပြောဘဲ ပြုံးနေဦးမှာ မဟုတ်လား။

ဒီတစ်နေ့တာ အတွက် မအိပ်စက်ခင်လေးမှာ လမင်းကြီးကတဆင့် ကျွန်မ စကားတစ်ချို့ လှမ်းပြောလိုက်မိတယ်

" ကျေးဇူးတင်ပါတယ်မောင်၊ ပူလောင်တဲ့ ချစ်ခြင်းဆိုတာကို လွန်မြောက်လို့ အေးမြတဲ့မေတ္တာ ဆိုတာကို ပေးခဲ့တဲ့အတွက်ရော၊ ထားတတ်အောင် သင်ပေးခဲ့တဲ့ အတွက်ပါ ... ။ စိတ်အေးချမ်းသာယာတဲ့ မွေးနေ့ရက်မြတ် ဖြစ်ပါစေ "

ကြားနိုင်သည်ဖြစ်စေ၊ မကြားနိုင်သည်ဖြစ်စေပေါ့။

မောင့်ဆီက တုံ့ပြန်မှုတွေကို မမျှော်လင့်တတ်တော့အောင် ဥပေက္ခာစိတ်နဲ့ တိတ်တိတ်လေး နေတတ်ခဲ့ပြီပဲ။       ။

ညိုလေးနေ
26.07.2015 ( 10:58 PM )

U 23 ပေးခဲ့တဲ့ လက်ဆောင်

စလုံးမှာ မယ်ညို က သူငယ်ချင်းတွေနဲ့အတူနေပေမယ့် အစ်ကိုကတော့ သူ့မိသားစုလေးနဲ့နေပါတယ်။ အစ်ကို့မှာ သားလေးတစ်ယောက်ရှိတယ်။ အခုဆိုရင် မူကြိုတက်နေပြီ။ ချဉ်ပေါင်းဟင်း၊ ဘူးသီးချဉ်ရည် နဲ့ မြန်မာထမင်းဟင်းကို အင်မတန်ကြိုက်တဲ့သားကို မြန်မာစကားသာပြောနေတဲ့ မိသားစုထဲကနေ ကျောင်းစထားတော့မယ်ဆိုတော့ ဘာသာစကားအခက်အခဲဖြစ်မှာစိုးလို့ စိတ်ပူခဲ့ရသေးတယ်။ အင်္ဂလိပ်စကားကို အိမ်မှာမိသားစုက လိုက်ပြောပေးလို့ အစဉ်ပြေသွားပေမယ့်၊ ကျောင်းက သူငယ်ချင်းတွေနဲ့ဆရာမတွေကြားမှာ တရုတ်လို ဝင်ပြောလို့မရတဲ့၊ သူ့အဖေနဲ့အမေ တရုတ်လိုမတတ်မှန်းသိတဲ့သားက တရုတ်စကားပြောသင်ပေးဖို့ ကိုယ်တိုင်ပူဆာလို့ သင်ပေးနေရတယ်။ ကျောင်းကိုရောက်မှ ကျောင်းက အတွေ့အကြုံတွေနဲ့ သူဟာ စလုံးကလေးတွေနဲ့မတူမှန်း၊ မလေးရှားလေးမဟုတ်မှန်း၊ တရုတ်လေးလို မပြောတတ်မှန်း သိနေတယ်။ ရေသိပ်ကြိုက်တဲ့သားက " ဂျပန်ကျရင် သားသား ဂျမာပြည် လာမှာနော် " လို့ သူ့အဘွားကို သင်္ကြန်ပြန်လာမယ့် အကြောင်း ဖုန်းဆက်ပြောတတ်ပေမယ့် သူ့ကိုသူ သူဟာ ဂျမာလေးတစ်ယောက်ဖြစ်တယ် ဆိုတာတော့ မသိခဲ့ဘူး။

မနှစ်က National Day နီးလာတဲ့တစ်နေ့ သားဆီကိုသွားတော့ သားက " ညို ရေ ဒီမှာကြည့် " ဆိုပြီး သူကိုယ်တိုင်လုပ်ထားတဲ့ ပစ္စည်းလေးယူလာပြတယ်။ ပုံဆွဲဝါသနာပါတဲ့သားက မူကြို ကျောင်းမှာသင်ပေးတာကြောင့် စင်္ကာပူအလံလေးကို သူကိုယ်တိုင်ဆွဲတတ်နေပြီး အအေးသောက်တဲ့ပိုက်မှာ တိပ်နဲ့ကပ်လို့ အလံတိုင်လေးလုပ်ထားတယ်။ ဒီအရွယ်လေးနဲ့ ဒါမျိုးတွေလုပ်တတ်နေတာကို ဝမ်းသာပေမယ့် သားဆွဲတဲ့အလံက စင်္ကာပူအလံဖြစ်နေတာတော့ ရင်ထဲမှာတမျိုးဖြစ်ရတယ်။ မြန်မာအလံလေးဆွဲပါလားလို့လည်း သားကို အတင်းမတိုက်တွန်း၊ မသင်ပေးရဲခဲ့ဘူး။ ဇွတ်ခိုင်းရင် လုပ်ချင်မှ လုပ်တတ်တဲ့ ကလေးတွေရဲ့အကျင့်ကြောင့် မချစ်ဘဲ မုန်းသွားမှာကို မလိုလားလို့ သားနဲ့ မရင်းနှီးတဲ့ အရာတွေကို မယ်ညိုတို့မောင်နှမ ဇွတ်လုပ်ခိုင်းလေ့မရှိဘဲ ရှောင်ကြတယ်။ တခြားနည်းလမ်းကိုပဲ စဉ်းစားကြတယ်။

National Day ပိတ်ရက်မှာလည်း ဟိုနားဒီနားသွားရင်းနဲ့ သား ကို အဲဒီ့နေ့ အတွက် ပြင်ဆင်ထားတာတွေ လိုက်ပြဖြစ်ကြတယ်။ အဲလို လျှောက်သွားကြရင်းနဲ့ ရဟတ်ယာဉ်နဲ့ အလံကို သယ်လာတာလည်း မြင်ရော သားက Singapore Flag , Singapore Flag ဆိုပြီး ဝမ်းသာအားရ ခုန်ဆွခုန်ဆွနဲ့ ထအော်ပါလေရော။ ဖြစ်ချင်တော့ ကိုယ့်ကား သွားရာဘက်နဲ့ ရဟတ်ယာဉ်လားရာဘက်က တူနေပြီး သားက တစ်လမ်းလုံး မျက်စိအောက်က အပျောက်မခံဘဲ ပျော်မြူးပြီးအော်နေတော့တာ။ မယ်ညိုတို့ မောင်နှမနှစ်ယောက်မှာ ကလေးရဲ့သဘာဝ ဆိုတာသိနေလို့ မတားသာ၊ မပြောရက်ပေမယ့် တစ်ယောက်မျက်နှာတစ်ယောက်ကြည့်ပြီး စိတ်ထဲမသက်မသာဖြစ်ခဲ့ကြရပြန်တယ်။

အဲဒီလို ရင်ထဲမှာအောင်းထားရတဲ့ အရာတွေ ဖွင့်ထုတ်နိုင်ဖို့အတွက် မနှစ်က နိုဝင်ဘာ၊  မြန်မာအသင်း Suzuki Cup လာကန်တဲ့အချိန်မှာ အစပျိုးခဲ့တယ်။ ပထမဦးဆုံးရတဲ့ အခွင့်အရေးမို့ရော၊ အင်မတန်နှစ်သက်တဲ့ ဘောလုံးအားကစားဖြစ်တာကြောင့်ရော မကောင်းတဲ့အသင်းမှန်းသိပေမယ့် မြန်မာဆိုတဲ့ အသိတစ်ခုတည်းနဲ့ မယ်ညို ပွဲတိုင်းကြည့်ဖြစ်ပါတယ်။ မှတ်မှတ်ရရ ဘောလုံးပွဲမှာဝေတဲ့ အလံလေးတွေကို သား အတွက် ပိုတောင်းထားလိုက်တယ်။ ဒါပေမယ့် သားက ဘောလုံးပွဲမကြည့်တတ်သေးသလို၊ ကြည့်ရလောက်အောင်လည်း အကြောင်းမတိုက်ဆိုင်ခဲ့ဘူး။ ရှားရှားပါးပါးရထားတဲ့ စက္ကူအလံလေးတွေ ကစားစရာတစ်ခုအနေနဲ့ပဲ ပျက်စီးသွားမှာစိုးလို့ သားကို မပေးဖြစ်ခဲ့ဘူး။ 

ဒီနှစ် Sea Games အချိန်မှာတော့ မယ်ညို မျှော်လင့်တဲ့ အခြေအနေကိုရောက်လာခဲ့ပါတော့တယ်။ အစ်ကိုက သားကို ငဲ့လို့ အုပ်စုပွဲတွေကို ကွင်းမှာမကြည့်ဘဲ အိမ်မှာပဲကြည့်ခဲ့တယ်။ စင်္ကာပူနဲ့ ကန်တဲ့ပွဲကို အိမ်မှာပဲ သားနဲ့အတူကြည့်ဖြစ်ခဲ့တဲ့ အကျိုးဆက်က သားဟာ မြန်မာကို သိလာတာပါ။ ဖိလစ်ပင်း နဲ့ ကန်မယ့်နေ့မှာ အစ်ကိုက ဖုန်းဆက်ပြီး " နင် ပွဲတိုင်း သွားကြည့်နေတာ မြန်မာအလံလေးများ မရှိဘူးလား " လို့မေးလာတော့ မယ်ညို ဝမ်းသာမိတာ ပြောဖွယ်ရာမရှိလောက်အောင်ပဲ။ နောက်တော့ Jalan Besar ကွင်းနားအထိ မြန်မာပရိသတ်တွေ၊ ပွဲလာကြည့်သူတွေကို သား ကို လိုက်ပြရင်း မယ်ညို့ ဆီက အလံလာယူကြတယ်။ မယ်ညို နဲ့အတူကွင်းထဲ မလိုက်ရလို့ငိုမဲ့မဲ့ ဖြစ်ပြီးပြန်သွားတဲ့ သားက ဖိလစ်ပင်းက တစ်ဂိုးသွင်းလိုက်တဲ့အချိန်မှာ " ဒယ်ဒယ် လာ ဒီကောင်တွေကို သွားချမယ် " ဆိုပြီး လုပ်နေလို့ အစ်ကိုက မနည်းချော့လိုက်ရပါသေးတယ်တဲ့  :)

ဆီမီးဖိုင်နယ်ပွဲနေ့ကတော့ အရာရာအတွက် ရင်ခုန်စရာ အကောင်းဆုံးပါပဲ။ အော်ကြဟစ်ကြတဲ့အသံတွေနဲ့ ကလေးလန့်မှာစိုးတာက တစ်ပိုင်း၊ ကြည့်စေ၊ သိစေချင်ကြတာ တစ်ပိုင်းမို့ ဘင်သံတွေနဲ့ဝေးရာ၊ လူကြဲတဲ့နေရာ ကိုရွေးလို့ မယ်ညို တို့ သားလေးကို ကွင်းထဲအရောက် ခေါ်နိုင်ခဲ့ကြတယ်။ သိပ်ကြိုးစားကြတဲ့ U 23 အသင်းက ကလေးတွေကို ရွှေရတာ၊မရတာထက် ဖိုင်နယ်တက်တယ်ဆိုတာမျိုး ဖြစ်စေချင်တာအပြင် သားရဲ့ ပထမဆုံး ကိုယ်တိုင်လာကြည့်တဲ့ပွဲမှာ အရှုံးနဲ့ မတိုးစေချင်တာကြောင့်ရော အဲဒီ့နေ့က အားပေးနေတဲ့လက်တွေဟာ တဆတ်ဆတ်တုန်နေခဲ့ရတယ်။

U 23 ကလေးတွေရဲ့ ကြိုးစားပေးခဲ့မှု ကိုသိပ်ကို ကျေးဇူးတင်မိပါတယ်။ မြန်မာအသင်းလည်း နိုင်ခဲ့တယ်။ သားက လည်း ရန်ကုန်က သူ့အဘွားကို ဖုန်းဆက် ...

" ဘွားဘွားရေ သားသားကို တီဗွီထဲမှာတွေ့လား "

" သားသားတို့  မြန်မာဟေ့ ... မြန်မာဟေ့ လို့အော်ခဲ့တယ်၊ ဘွားဘွားကြားလား " ဆိုပြီး မေးတယ်။

" ငါ့မြေးကို အင်္ကျီအနီလေးနဲ့ တွေ့လိုက်တာပေါ့၊ သား အော်တာလည်းကြားတယ် "

အမေကလည်း မုသားတွေနဲ့ ပီတိတွေ ဖြစ်လို့။ သူ့ကိုယ်သူ ဘာလေးမှန်း သေချာမသိသေးချိန်ကတည်းက မြန်မာပြည် ဆိုတာနဲ့ ပတ်သတ်တာတွေဟာ သူ့အဘွားဆီက လာမှန်းသိနေတော့

" သားသားကို မြန်မာဘောလုံးအင်္ကျီ ပို့လိုက်နော် " ဆိုပြီး ဘယ်သူမှ မတိုက်တွန်းရဘဲ ပူဆာပါတော့တယ်။ 

နောက်ဆုံးနေ့မှာလည်း ရှုံးနိုင်မယ်မှန်းသိပေမယ့်၊ သားရဲ့ အခြေအနေကို ကြိုမမှန်းနိုင်ပေမယ့် မယ်ညို တို့ ကွင်းထဲကို ထပ်ရောက်ခဲ့ပြန်ပါတယ်။ တစ်နေရာစီ ဖြစ်နေကြတာမို့ ပွဲသိမ်းဝီစီမှုတ်ပြီးတဲ့အချိန်မှာ အရင်းဆုံးလုပ်မိတာက အစ်ကို့ကို သားအခြေအနေမေးရတာပါပဲ။

" ပြဿ     နာတော့ မရှာဘူး၊ ဒါပေမယ့် ငြိမ်ကျသွားတယ်၊ ငိုလည်း မငိုဘူး " တဲ့။

နောက်ဆုံးတော့ မောင်နှမ နှစ်ယောက် အကောင်းဘက်ကလှည့်တွေး၊ " ဒါမှ မြန်မာပီသမှာလို့ "  အချင်းချင်းပြောပြီး ရယ်မောပစ်လိုက်ကြရတယ်။ အရှိတရားကို လက်ခံနိုင်တာ၊ အရှုံးတွေထဲမှာ ရုန်းကန်ဆန်တက်နေရတာ မြန်မာတွေရဲ့လက္ခဏာတစ်ရပ်ပဲ မဟုတ်လား။ 

U 23 က ရှိသမျှအစွမ်းတွေ အကုန်ညှစ်ထုတ်လို့ မြန်မာမှန်သမျှကို ငွေ တံဆိပ် လေး လက်ဆောင်ပေးခဲ့တယ်။ ကျွန်မတို့မောင်နှမအတွက်တော့ ငွေ တံဆိပ်ထက်ပိုတဲ့ အဖိုးတန်လက်ဆောင်တစ်ခု ထက်ပြီးရခဲ့တယ်။ အခု သားက သူဟာ " မြန်မာ " ဆိုတာ အတင်းအကြပ်ပြောပြစရာမလိုဘဲ သေသေချာချာ သိသွားပြီ။ မြန်မာ ဆိုတဲ့ စာတန်းပါတဲ့ အင်္ကျီလေးဟာ သူ့အတွက်အရေးကြီးမှန်း သိသွားပြီ။ မြန်မာအလံလေးကို ပါးမှာမြတ်မြတ်နိုးနိုး ကပ်တတ်ပြီ။ အထူးသဖြင့် ကြယ်တစ်ပွင့်နဲ့ သုံးရောင်ခြယ်အလံပုံကို ဘယ်သူမှ တိုက်တွန်းစရာမလိုဘဲ သူ့ဟာသူ ဆွဲနေပြီ။ ဂျမာပြည်လို့ ခေါ်နေရာကနေ မြန်မာ လို့လည်း ပီပီသသ ပြောတတ်လာပြီ။ နောက်ဆုံး သူမရတဲ့ နိုင်ငံတော်သီချင်းကိုလည်း ဝါးချပြီး လိုက်ညည်းနေတတ်ပြီ။ 

မယ်ညို့ အတွက်တော့ အားကစားပွဲတိုင်းဟာ အနိုင်ရဖို့ယှဉ်ပြိုင်ကြတဲ့ ကစားနည်းတစ်ခု ဆိုတာထက်ပိုပါတယ်။ အခြေအနေကြောင့် တခြားအားကစားတွေကို ကိုယ်တိုင်ကိုယ်ကျ လိုက်အားမပေးနိုင်ပေမယ့် ကိုယ်အင်မတန်နှစ်သက်တဲ့ ဘောလုံးအားကစားနည်းက ကလေးတွေကတော့ ထိပ်ပေါက်၊ ခြေထောက်ကျိုး၊ ပခုံးရိုးထိနေတဲ့ကြားက နိုင်ငံတော်သီချင်းကို မျက်ရည်တဝဲဝဲနဲ့ အသံကုန်ဟစ်ဆိုပြီး အားကုန်ညစ်ကစားပြလို့ နိုင်ငံတော်ကို ဒီလိုနည်းနဲ့လည်း ချစ်လို့ရကြောင်း သက်သေပြသွားတာကို မျက်မြင်တွေခဲ့ရတယ်။ 

ဘာသာကွဲပြားခြင်း၊ လူမျိုးခွဲခြားခြင်း၊ ပါတီမတူခြင်း ဆိုတာတွေ မရှိဘဲ စည်းလုံးခြင်းတွေနဲ့ " နိုင်ငံချစ်စိတ် " ဆိုတာလေးကို သားအတွက်ရော ကိုယ်တွေအတွက်ပါ လက်ဆောင်ရခဲ့တယ်။ သားရခဲ့တဲ့ လက်ဆောင်လေး သားဆီမှာ အရှည်သဖြင့် တည်တံ့နေဖို့ မယ်ညို တို့ ကြံစည်ကြိုးပမ်းရဦးမယ်လို့ နားလည်ထားရင်း ...... ။       ။

မယ်ညို 
( ၂၇.၆.၂၀၁၅ ) မနက် ၁၀း၀၇